ନୟାଗଡ (ଏଟିଆର ବ୍ୟୁରୋ); ଚଳିତ ମାସ ୨୯ ତାରିଖରୁ ଆରମ୍ଭ ହେବାକୁ ଯାଉଛି ପଞ୍ଚୁପାଣ୍ଡବ ମହୋତ୍ସବ । ସ୍ଥାନୀୟ ନୂଆଗାଁ ପ୍ରାଥମିକ ବିଦ୍ୟାଳୟ ପଡିଆରେ ଅନୁଷ୍ଠିତ ହେବ ଏହି ଚର୍ଚ୍ଚିତ ମହୋତ୍ସବ । ୨୯ ତାରିଖରୁ ଆରମ୍ଭ କରି ୩୧ତାରିଖ ପର୍ଯ୍ୟନ୍ତ ୩ ଦିନ ଧରି ଚାଲିବ ମହୋତ୍ସବ । ଏହି ମହୋତ୍ସବରେ ମନୋରଞ୍ଜନ କାର୍ଯ୍ୟକ୍ରମ ସହ ପାରମ୍ପରିକ ଲୋକ କଳା ପ୍ରଦର୍ଶନ କରାଯିବ । ତେବେ ଏ ନେଇ ଶନିବାର ନୂଆଗାଁ ମହାବିଦ୍ୟାଳୟରେ ଏକ ବୈଠକ ଆୟୋଜିତ ହୋଇଥିଲା ।
ଆୟୋଜିତ ହୋଇଥିବା ଏହି ବୈଠକରେ ମହୋତ୍ସବ କମିଟିର ସଭାପତି ତଥା ଦଶପଲ୍ଲା ନିର୍ବାଚନ ମଣ୍ଡଳୀର ବିଧାୟକ ପୂର୍ଣ୍ଣଚନ୍ଦ୍ର ନାୟ,ବ୍ଳକ ଅଧ୍ୟକ୍ଷ ଅନ୍ତଯ୍ୟାମୀ ସ୍ୱାଇଁ,ନୂଆଗାଁ ମହାବିଦ୍ୟାଳୟର ଅଧ୍ୟକ୍ଷ ଭିକାରୀ ଚରଣ ସ୍ୱାଇଁ ,ନୂଆଗାଁ ଗ୍ରାମ ପଞ୍ଚାୟତର ସରପଞ୍ଚ,ସମିତି ସଭ୍ୟଙ୍କ ସମେତ ନୂଆଗାଁ ଅଞ୍ଚଳର ବହୁ ବୁଦ୍ଧିଜୀବୀ ପ୍ରମୁଖ ଯୋଗ ଦେଇଥିଲେ । ତେବେ ଚଳିତ ବର୍ଷ ମହୋତ୍ସବ କମିଟିରେ ସଦସ୍ୟ ପରିବର୍ତ୍ତନ କରାଯାଇଛି ।
