ଭୁବନେଶ୍ୱର(ଏଟିଆର ବ୍ୟୁରୋ): ଓଡିଆ ସିନେ ଜଗତ ପାଇଁ ଦୁଖଦଃ ଖବର । ଆଉ ନାହାନ୍ତି ଓଡିଆ ଚଳଚ୍ଚିତ୍ର ଜଗତର ନିରର୍ଦ୍ଦେଶକ ତଥା ଗୀତିକାର ଶାରଦା ପ୍ରଶନ୍ନ ନାୟକ । ୯୪ ବର୍ଷ ବୟସରେ ତାଙ୍କର ପରଲୋକ ହୋଇଛି । ଭୁବନେଶ୍ୱରର ଏକ ଘରୋଇ ହସ୍ପିଟାଲରେ ଚିକିତ୍ସିତ ହେଉଥିବା ଅବସ୍ଥାରେ ତାଙ୍କର ଦେହାନ୍ତ ହୋଇଥିଲା । ଶାରଦାଙ୍କ ସାନ ଭାଇ ସ୍ୱରୁପ ନାୟକ ଏହି ସୂଚନା ଦେଇଥିଲେ । ଶାରଦା ଅନେକ ପ୍ରସିଦ୍ଧ ଫିଲ୍ମ ଓ ସଫଳ ଚଲଚ୍ଚିତ୍ରରେ ନିଜର ନିର୍ଦ୍ଦେଶନା ଦେଇଛନ୍ତି । ଏହା ସହ ସେ ଅନେକ ଫିଲ୍ମରେ ସଂଳାପ ମଧ୍ୟ ଦେଇଥିଲେ । ତାଙ୍କ ସଫଳ ଫିଲ୍ମ ମଧ୍ୟରେ ରହିଛି ଲକ୍ଷ୍ମୀ, କା, ସ୍ତ୍ରୀ ଓ ସଂସାର । ତାଙ୍କ ଦ୍ୱାରା ନିର୍ଦ୍ଦେଶିତ ଲକ୍ଷ୍ମୀ ଚଳଚ୍ଚିତ୍ର ରାଷ୍ଟ୍ରପତି ପୁରଷ୍କାର ପାଇଥିଲା । ଏହା ସହ ୨୦୧୩ ମସିହାରେ ସେ ଜୟଦେବ ପୁରଷ୍କାର ସମ୍ମାନର ଅଧିକାରୀ ହୋଇଥିଲେ । ତାଙ୍କ ଅବଦାନ ଓଡିଆ ଚଳଚ୍ଚିତ୍ର ଜଗତ ପାଇଁ ସ୍ମରଣୀୟ ହୋଇ ରହିବ । ତାଙ୍କ ବିୟୋଗରେ ଓଡିଆ ଚଳଚ୍ଚିତ୍ର ଜଗତରେ ଶୋକର ଛାୟା ଖେଳି ଯାଇଛି ।
