ଭୁବନେଶ୍ୱର (ଏଟିଆର ବ୍ୟୁରୋ): ରାଜ୍ୟରେ କଂଗ୍ରେସ ନିଜର ସ୍ଥିତିକୁ ସୁଧାରିବା ପାଇଁ ସମସ୍ତ ପ୍ରୟାସ ଜାରି ରଖିଛି । ଦଳୀୟ କନ୍ଦଳକୁ ସୁଧାରିବା ସହ ରାଜ୍ୟରେ କଂଗ୍ରେସ ନିଜର ସ୍ଥିତିକୁ ସୁଧାରିବା ପାଇଁ ରାଜ୍ୟ କଂଗ୍ରେସ ପ୍ରଭାରୀ ପରିବର୍ତ୍ତନ କରିଛି । ଓଡିଶାର ନୂଆ କଂଗ୍ରେସ ପ୍ରଭାରୀ ଭାବରେ ଡ. ଚେଲ୍ଲାକୁମାରଙ୍କୁ ଦ୍ୱାରିତ୍ୱ ପ୍ରଦାନ କରାଯାଇଛି ।
ଏନେଇ ଶୁକ୍ରବାର ଅଖିଳ ଭାରତ କଂଗ୍ରେସ ପ୍ରଭାରୀ ପକ୍ଷରୁ ବିଜ୍ଞପ୍ତି ପ୍ରକାଶ କରାଯାଇଛି । ସେ ଜିତେନ୍ଦ୍ର ସିଂହଙ୍କ ସ୍ଥାନେ ଓଡିଶା କଂଗ୍ରେସ ନୂଆ ପ୍ରଭାରୀ ହୋଇଛନ୍ତି । ତାମିଲନାଡୁର ବରିଷ୍ଠ ନେତା ଚେଲ୍ଲାକୁମାର ଏବେ ଲୋକ ସଭା ଏମ୍ପି ଅଛନ୍ତି। ଅନ୍ୟପଟେ ପୂର୍ବତନ କେନ୍ଦ୍ରମନ୍ତ୍ରୀ ତଥା ଓଡିଶାର ବରିଷ୍ଠ ନେତା ଭକ୍ତ ଚରଣ ଦାସଙ୍କୁ ମିଜୋରାମ ଓ ମଣିପୁରର ପ୍ରଭାରୀ ଭାବେ ଦାୟିତ୍ୱ ମିଳିଛି। ଅନ୍ୟପଟେ ଦଳ ସିଡବ୍ଲୁସିର ପୁନର୍ଗଠନ ହୋଇଛି। ଏଥର ସିଡବ୍ଲୁସିରୁ ରାମଚନ୍ଦ୍ର ଖୁଣ୍ଟିଆ ବାଦ୍ ପଡିଛନ୍ତି।
