ଭୁବନେଶ୍ୱର (ଏଟିଆର ବ୍ୟୁରୋ) ; ପ୍ରେମ ଓ ପାରିବାରିକ କଥାବସ୍ତୁର ଫେଣ୍ଟାଫେଣ୍ଟି କାହାଣୀ ସହ ଜଣେ ବନାରସୀ ଡନ୍ ଏକ ଫିଲ୍ମରେ ଅଭିନୟ କରିବା ନିଶାରେ କିଭଳି ଚୂର୍ ହେଉଛି; ଆଜି ଏହି ଫିଲ୍ମ ପରଦାରେ ଦେଖିବାକୁ ମିଳିବ। ଜି-ସାର୍ଥକ ଏବଂ ସାଇଶ୍ରଦ୍ଧାର ମିଳିତ ପ୍ରସ୍ତୁତିରେ ନିର୍ମିତ ହୋଇଥିବା ଚଳଚ୍ଚିତ୍ର ‘ସାଥୀ ତୁ ଫେରିଆ’ ମୁକ୍ତିଲାଭ କରିବାକୁ ଯାଉଛି। ଜଣେ ପ୍ରେମିକା ତା ପ୍ରେମିକକୁ ଏବଂ ଜଣେ ମା ତା’ର ପୁଅକୁ ଅବାଟରୁ କିଭଳି ଫେରାଇ ଆଣୁଛି, ସେଇଭଳି ଏକ କଥାବସ୍ତୁକୁ ନେଇ ଶ୍ରୀୟା ସିନେମା ହଲ୍ ଏବଂ ରବି ଟକିଜ୍ ଆଜି ମୁକ୍ତିଲାଭ କରିବାକୁ ଯାଉଛି ଏହି ଚଳଚ୍ଚିତ୍ର। ଜ୍ୟୋତି ନାୟକ ଭୂମିକାରେ ଥିବା ବେଳେ ତାଙ୍କ ବିପକ୍ଷରେ ଅଛନ୍ତି ଅନୁଭା। ଏଥିସହ ଚଳଚ୍ଚିତ୍ରରେ ମହେଶ୍ବେତା, ଶ୍ରୀତମ, ପିଣ୍ଟୁନନ୍ଦ, ମଣ୍ଟୁ, ଅନିଶାଙ୍କୁ ଦେଖିବାକୁ ମିଳିବ। ସୁଧାକର ବସନ୍ତ ଏହାର ନିର୍ଦେଶନା ଦେଇଥିବା ବେଳେ ପ୍ରେମ ଆନନ୍ଦ ସଂଗୀତ ନିର୍ଦେଶନା ଦେଇଛନ୍ତି।
ଫିଲ୍ମଟି ନୂଆ ରୂପରେ ବନା ଯାଇଥିବା ନେଇ ପ୍ରଯୋଜନା ସସ୍ଥା ପକ୍ଷରୁ ସୂଚନା ଦିଆଯାଇଛି । ତେବେ ଏହି ଫିଲ୍ମଟି ସଫଳ ହେବା ନେଇ ଜୋରଦାର ପ୍ରୟାସରେ ନିର୍ମାଣ କରାଯାଇଛି । ବିଗତ ଦିନର ନାୟିକା ପୁଷ୍ପା ପଣ୍ଡାଙ୍କ ଝିଅ ଅନୁଭା ଏହି ଚଳଚିତ୍ରରେ ମୁଖ୍ୟ ନାୟିକା ଭାବରେ ଅଭିନୟ କରିଛନ୍ତି । ଏହି ଫିଲ୍ମ ଜରିଆରେ ବହୁ ଦିନ ପରେ ମହେଶ୍ବେତା ଏବଂ ପିଣ୍ଟୁ ନନ୍ଦ ନଜରକୁ ଆସିବେ ।
