ଭୁବନେଶ୍ୱର (ଏଟିଆର ବ୍ୟୁରୋ): ଦିନକୁ ଦିନ ଓଲିଉଡ୍ ଇଣ୍ଡଷ୍ଟ୍ରିର ଚାହିଦା ବଢିବାରେ ଲାଗିଛି । ଦର୍ଶକଙ୍କ ମନ ଜିଣିବା ପାଇଁ ବିଭିନ୍ନ ବ୍ୟାନରରୁ ଭିନ୍ନ ସ୍ୱାଦର ଫିଲ୍ମ ପରଦାରେ ମୁକ୍ତି ଲାଭ ହେଉଛି । ସେହିପରି ନିକଟରେ ଆଉ ଏକ ଫିଲ୍ମର ଶୁଭମହୁରତ ହୋଇଛି । ଯାହାର ଟାଇଟଲ ରହିଛି ‘କ୍ରେଜି ୪’ । ଟାଇଟଲ ଅନୁଯାୟୀ କାହାଣୀଟି ସେହିଭଳି କ୍ରେଜି ହୋଇଛି । ଫିଲ୍ମରେ ସମ୍ପୂର୍ଣ୍ଣ କ୍ରେଜି ଜିନିଷ ଦେଖିବାକୁ ପାଇବେ ଦର୍ଶକ ।
ଆଇ ଫୋକସ ବ୍ୟାନରରେ ପ୍ରସ୍ତୁତ ହେଉଥିବା ଫିଲ୍ମ ‘କ୍ରେଜି ୪’ରେ ମୁଖ୍ୟ ଭୂମିକାରେ ଅଭିଶେକ୍ ରଥ ଥିବା ବେଳେ ତାଙ୍କ ବିପରୀତରେ ସୂର୍ଯ୍ୟମଇ ନଜର ଆସିବେ । ସେହିପରି ସୁଦରର୍ଶନ ରାଉତ,ଉତ୍ତମ ମହାନ୍ତି, ପିଣ୍ଟୁ ନନ୍ଦ,ପ୍ରଜ୍ଞା ଖଟୁଆ, ଅମର ଏବଂ ତରୁଣ ଆଦି ପ୍ରମୁଖ ଭୂମିକାରେ ନଜର ଆସିବେ ।
ଫିଲ୍ମର ପ୍ରଯୋଜନା ଦାୟିତ୍ୱରେ ଜେ.ରାଜନ ଏବଂ ସୂର୍ଯ୍ୟ ଥିବା ବେଳେ ନିର୍ଦ୍ଦେଶନା ଦେଇଛନ୍ତି ସାଉଥର ସମରାଜ । ଏହାସହିତ ଏହାର ମ୍ୟୁଜିକ ଭାର ତୁଲାଇଛନ୍ତି ଏସ୍ ଚନ୍ଦ୍ରକାନ୍ତ । ଫିଲ୍ମରେ ସର୍ବମୋଟ ୬ଟି ଗୀତ ରହିଛି । ଏହି ଗୀତ ଗୁଡିକରେ ଓଲିଉଡର ଜଣାଶୁଣା କଣ୍ଠଶିଳ୍ପୀ ହ୍ୟୁମାନ ସାଗର, ଅସିମା ପଣ୍ଡା, ସତ୍ୟଜିତ୍ ପ୍ରଧାନ, ଆଶୁତୋଷ ମହାନ୍ତି, ବିଷ୍ଣୁମୋହନ କବି ପ୍ରମୁଖ କଣ୍ଠଦାନ କରିଛନ୍ତି ।
