ଭୁବନେଶ୍ୱର (ଏଟିଆର ବ୍ୟୁରୋ): ଓଲିଉଡର ଚକଲେଟି ବୟ ସବ୍ୟସାଚୀ ମିଶ୍ରଙ୍କ ଅଭିନୟର ପାଗଳାମୀ ବିଷୟରେ ଦର୍ଶକ ଖୁବ୍ ଭଲ ଭାବରେ ଜାଣିଥିବେ । ଏହାସହିତ ତାଙ୍କୁ ପାଗଳପ୍ରେମୀ ବୋଲି ମଧ୍ୟ କୁହାଯାଇଥାଏ । ଓଡିଆ ସିନେମାରେ ନିଜର ପାଗଳାମୀ ଦେଖାଇ ସଫଳତା ହାସଲ କରିବା ପରେ ଏବେ ବେଙ୍ଗଲି ଫିଲ୍ମ ମୁହାଁ ହୋଇଛନ୍ତି ସବ୍ୟ । ପ୍ରଥମ ଥର ଲାଗି ବେଙ୍ଗଲି ଫିଲ୍ମରେ ନିଜର ଜଲୱା ଦେଖାଇବାକୁ ଯାଉଛନ୍ତି ସବ୍ୟସାଚୀ । ଯାହାର ପୋଷ୍ଟର ଖୋଦ୍ ସବ୍ୟ ତାଙ୍କ ଇଂଷ୍ଟାଗ୍ରାମ ଆକାଉଣ୍ଟରେ ସେୟାର କରିଛନ୍ତି ।
ସବ୍ୟସାଚୀ ତାଙ୍କର ଆଗାମୀ ବେଙ୍ଗଲି ଫିଲ୍ମ ପାଇଁ ଖୁବ୍ ଉତ୍ସାହିତ ଅଛନ୍ତି । କୋଲକାତାରେ ଫିଲ୍ମର ସୁଟିଂ ଆରମ୍ଭ ହୋଇଗଲାଣି । ନୂଆ ଅବତାରରେ ଏବଂ ଭିନ୍ନ ଭାଷାରେ ସବ୍ୟଙ୍କ ପାଇଁ ଏହା ସଂପୂର୍ଣ୍ଣ ଚ୍ୟାଲେଞ୍ଜ । ତାଙ୍କର ଏହି ଫିଲ୍ମର ନାମ ରହିଛି ‘ରକ୍ତୋମୁଖୀ’ ।
ସବ୍ୟସାଚୀ କେବଳ ଓଲିଉଡ ଇଣ୍ଡଷ୍ଟ୍ରିରେ ନିଜର ଅଭନୟର କଳାକୁ ସିମୀତ କରି ରଖିନାହାଁନ୍ତି । ବରଂ ଭିନ୍ନ ଭିନ୍ନ ଭାଷା ଏବଂ ଇଂଣ୍ଡଷ୍ଟ୍ରିରେ ମଧ୍ୟ ଅଭିନୟର ଅଭିଜ୍ଞତା ରହିଛି ତାଙ୍କ ପାଖରେ ।
ସେ ତାଙ୍କର ଅପକମିଂ ବେଙ୍ଗଲି ଫିଲ୍ମରେ ନିଜ ଅଭିନୟର ପାଗଳାମୀ ଦେଖାଇ ଦର୍ଶକଙ୍କ ମନ ଜିଣି ପାରିବେ ବୋଲି ଆଶା ରଖିଛନ୍ତି ।
