ଭୁବନେଶ୍ୱର (ଏଟିଆର ବ୍ୟୁରୋ): ଘରକୁ ଫେରି ପାରିଲେନି ଓଲିଉଡ ଇଣ୍ଡଷ୍ଟ୍ରୀର ହାସ୍ୟ ଅଭିନେତା ପ୍ରେମାନନ୍ଦ ବାରିକ । ଅଧା ବାଟରେ ଚାଲିଗଲା ଜୀବନ ।ଶ୍ୱଶୁର ଘରୁ ନିଜ ଘରକୁ ଫେରିବା ସମୟରେ ଆଜି ଟ୍ରେନ୍ ରୁ ଖସି ପଡି ପ୍ରେମାନନ୍ଦଙ୍କ ମୃତ୍ୟୁ ହୋଇଛି ।୫୫ ବର୍ଷ ବୟସରେ ତାଙ୍କ ଅକାସ୍ମତ ବିୟୋଗ ହୋଇଛି ।
ସୂଚନାଯୋଗ୍ୟ, ପ୍ରେମାନନ୍ଦ ତାଙ୍କ ଶ୍ୱଶୁର ଘର ନିରାକର ପୁରରୁ ଟ୍ରେନ୍ ଯୋଗେ ଘରକୁ ଫେରୁଥିଲେ । ଷ୍ଟେସନରେ ଟ୍ରେନରୁ ଓହ୍ଲୋଇଲା ବେଳକୁ ତାଙ୍କ ଗୋଡ ଖସି ଯିବାରୁ ସେ ତଳକୁ ପଡି ଯାଇଥିଲେ । ଫଳରେ ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଛି ।
ପ୍ରେମାନନ୍ଦ ଅନେକ ଓଡିଆ ଚଳଚ୍ଚିତ୍ର କାମ କରି ସାରିଛନ୍ତି । ଏହାସହିତ ସେ ଅନେକ ନାଟକରେ ମଧ୍ୟ ନିର୍ଦ୍ଦେଶନା ଦେଇ ସାରିଛନ୍ତି ।
