ଭୁବନେଶ୍ୱର (ଏଟିଆର ବ୍ୟୁରୋ): ଓଲିଉଡ୍ ଇଣ୍ଡଷ୍ଟ୍ରିର ସ୍ଥିତି ଧୀରେ ଧୀରେ ଦୃଢ ହେବାରେ ଲାଗିଛି । ବିଭିନ୍ନ ପ୍ରକାରର ଫିଲ୍ମ ଦେଖିବାକୁ ପାଉଛନ୍ତି ଦର୍ଶକ । ଏବେ ପୁଣି ଏକ ଭିନ୍ନ ସ୍ୱାଦର ଫିଲ୍ମ ପରଦାରେ ଆସିବାକୁ ଯାଉଛି । ଯାହାର ଟାଇଟଲ ରହିଛି ‘ତାଣ୍ଡବ’ ।
ନିକଟରେ ଏହି ଫିଲ୍ମର ଫାଷ୍ଟଲୁକ୍ ରିଲିଜ୍ ହୋଇଯାଇଛି । ଏଥିରେ ଜବରଦସ୍ତ ଆକ୍ସନ ଦେଖିବାକୁ ମିଳୁଛି । ଫିଲ୍ମଟିର ଟାଇଟଲ ଅନୁଯାୟୀ ପୋଷ୍ଟରଟି ଖାପଖାଇଲା ଭଳି ହୋଇଛି ।
ମହାଦେବ ପ୍ରଡକ୍ସନ ବ୍ୟାନରରେ ନିର୍ମିତ ତଥା ପୃଥ୍ୱୀ ରାଜ ପଟ୍ଟନାୟକଙ୍କ ଦ୍ୱାରା ନିର୍ଦ୍ଦେଶିତ ଫିଲ୍ମ ‘ତାଣ୍ଡବରେ’ ମୁଖ୍ୟ ଭୂମିକାରେ ନଜର ଆସିବେ ନବାଗତ ଦେବାଶିଷ । ତାଙ୍କ ବ୍ୟତୀତ ମିହିର ଦାସ୍ ଏବଂ ମନୋଜ ମିଶ୍ରଙ୍କୁ ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକାରେ ଦେଖିବାକୁ ମିଳିବ ।
