ଆନନ୍ଦପୁର (ଏଟିଆର ବ୍ୟୁରୋ): ବାତ୍ୟା ୟାସ୍ ଲ୍ୟାଣ୍ଡଫଲ ପୂର୍ବରୁ ଆନନ୍ଦପୁରରେ ଘଟିଲା ଅଘଟଣ । ୟାସ୍ ଯେତେ ପାଖଉଛି ପବନର ବେଗ ସେତେ ଅଧିକ ବଢୁଛି । ପ୍ରବଳ ପବନ ଯୋଗୁଁ ଗଛ ଡାଳ ପଡି କେନ୍ଦୁଝର ଜିଲ୍ଲା ଆନନ୍ଦପୁର ବ୍ଲକ ପଞ୍ଚୁପଲ୍ଲୀ ଗାଁରେ ଜଣଙ୍କର ମୃତ୍ୟୁ ଘଟିଛି । ମୃତକ ଜଣଙ୍କ ହେଲେ ପୂର୍ଣ୍ଣଚନ୍ଦ୍ର ନାୟକ । ସେ ତାଙ୍କ ଘର ନିକଟରେ ଥିବା ମଠରେ ପୂଜା ସାରି ଘରକୁ ଫେରୁଥିବା ବେଳେ ଗଛ ଡାଳ ଭାଙ୍ଗି ତାଙ୍କ ଉପରେ ପଡିଯାଇଥିଲା । ଯାହାଫଳରେ ତାଙ୍କର ଏଥିରେ ମୃତ୍ୟୁ ଘଟିଛି ।
ବାତ୍ୟା ସମୟରେ ଘରୁ ନବାହାରିବା ପାଇଁ ବାରମ୍ବାର ସରକାରଙ୍କ ପକ୍ଷରୁ ଲୋକଙ୍କୁ ସର୍ତକ କରାଯାଉଥିବା ବେଳେ ପୂର୍ଣ୍ଣଚନ୍ଦ୍ର ଘରୁ ବାହାରି ମଠରୁ ପୂଜା ସାରି ଫେରୁୁଥିବା ବେଳେ ତାଙ୍କ ଉପରେ ଗଛ ପଡି ଯାଇଥିଲା । ଏହା ବାତ୍ୟା ୟାସ୍ ର ପ୍ରଥମ ମୃତ୍ୟୁ ବୋଲି କୁହାଯାଇପାରେ ।
