ସୁନ୍ଦରଗଡ (ଏଟଇଆର ବ୍ୟୁରୋ): ଆଜି ଅପରାହ୍ନରେ କୋଇଲା ଖଣିରେ ଏକ ବିସ୍ଫୋରଣ ଘଟିଛି । ଏଥିରେ ଟ୍ରକର ସମୁଖ ଭାଗ ସମ୍ପୂର୍ଣ୍ଣ ନଷ୍ଟ ହୋଇଯାଇଥିବା ବେଳେ ଡ୍ରାଇଭଣ ଜଣଙ୍କର ମୃତ୍ୟୁ ହୋଇଥିବା ଜଣା ପଡିଛି । ଏଭଳି ଏକ ଘଟଣା ମହାନଦୀ କୋଲଫିଲ୍ଡ ଲିମିଟେଡ୍ (ଏମସିଏଲ୍)ର ଓପନ୍ କାଷ୍ଟ ମାଇନ୍ସରେ ଘଟିଛି ।
ଖବରମୁତାବକ, ବଡ ବଡ କୋଇଲା ଖଣିରେ ହେଉଥିବା ବ୍ଲାଷ୍ଟିଂ ସମୟରେ ସେହି ସ୍ଥାନକୁ ଯିବା ପାଇଁ ବାରଣ କରାଯିବା ସହ ବ୍ଲାଷ୍ଟିଂ ପୂର୍ବରୁ ସାଇରନ ବଜାଯାଇଥାଏ । କିନ୍ତୁ ଆଜି ଅଚାନକ୍ ବିନା ସାଇରନରେ କୋଇଲା ବ୍ଲାଷ୍ଟିଂ କରାଯାଉଥିବା ବେଳେ ଖଣି ତଳ ରାସ୍ତାରେ ଏକ ଟ୍ରକ ପସି ଯାଇଥିଲା । ଫଳରେ ଏହି ବିସ୍ଫୋରଣରେ ଟ୍ରକ୍ ସହ ଚାଳକ ମଧ୍ୟ ଉଡି ଯାଇଥିଲେ । ଏପର୍ଯ୍ୟନ୍ତ ଚାଳକଙ୍କ ପରିଚୟ ମିଳି ପାରନାହିଁ ।
