ନୂଆଦିଲ୍ଲୀ(ଏଟିଆର ବ୍ୟୁରୋ): ପଠାନକୋଟରେ ଉଡିଲା ପାକିସ୍ତାନ ଡ୍ରୋନ । ଆଜି ସକାଳୁ ବାମିଆଲ ସେକ୍ଟରର ଡିଣ୍ଡା ପୋଷ୍ଟରେ ଶତ୍ରୁପକ୍ଷର ଏହି ଡ୍ରୋନ ଉଡୁଥିବା ନଜର ଆସିଥିଲା। ପଠାନକୋଟର ବାମିୟାଲ ସେକ୍ଟରରେ ଏକ ପାକିସ୍ତାନ ଡ୍ରୋନ ଉଡୁଥିବାର ଦେଖିବାକୁ ମିଳିଛି । ଏହାପରେ ପୁରୀ ଅଞ୍ଚଳରେ ସର୍ଚ୍ଚ ଅପରେସନ ଜାରି ରହିଛି । ପଞ୍ଜାବ ସୀମାରେ ଏହିଭଳି ଘଟଣା ବାରମ୍ବାର ଘଟିଥାଏ ।
କୌଣସି ଅସ୍ତ୍ର ବା କିଛି ସାମଗ୍ରୀ ପକାଇବାକୁ ଡ୍ରୋନଟିକୁ ପଠାଯାଇଥିଲା ନା ବିଏସଏଫ ଆଲର୍ଟ ଅଛି ନା ନାହିଁ ତାହା ଯାଂଚ କରିବାକୁ ଡ୍ରୋନ ପଠାଯାଇଥିଲା, ସେନେଇ ସର୍ଚ୍ଚ ଅପରେସନ ଚାଲିଛି। ପାକିସ୍ତାନ ଆଡକୁ ଇସାରା କରି ଦୀଲବାଗ ସିଂହ କହିଛନ୍ତି ଯେ ଜାମ୍ମୁ କାଶ୍ମୀରରେ ଅଶାନ୍ତି ସୃଷ୍ଟି କରିବାକୁ ପଡୋଶୀ ଦେଶ ଯେଉଁ ଉଦ୍ୟମ କରୁଛି ତାକୁ ବିଫଳ କରିବାକୁ ସୁରକ୍ଷାବଳ ସମ୍ପୂର୍ଣ୍ଣ ସତର୍କ ଓ ପ୍ରସ୍ତୁତ ଅଛନ୍ତି।
ସୀମା ପାର ସ୍ଥିତ ଆତଙ୍କବାଦୀ କ୍ୟାମ୍ପରୁ ଆଉ ୨୫୦ ଆତଙ୍କବାଦୀ ଅନୁପ୍ରବେଶ ଉଦ୍ୟମରେ ଅଛନ୍ତି। ଜାମ୍ମୁରେ ପୋଲିସ ମୁଖ୍ୟାଳୟରେ ଆୟୋଜିତ ହେବାକୁଥିବା ଖେଳ ପ୍ରତିଯୋଗିତା ଉଦଘାଟନ କରିବା ପୂର୍ବରୁ ଡିଜିପି କହିଥିଲେ ଯେ ଜୁନ ୨୮ ତାରିଖରୁ ଆରମ୍ଭ ହେବାକୁଥିବା ଅମରନାଥ ଯାତ୍ରାକୁ ନେଇ ସମସ୍ତ ଜରୁରୀ ସୁରକ୍ଷା ବ୍ୟବସ୍ଥା କରାଯିବ।
