ଭୁବନେଶ୍ୱର ( ଏଟିଆର ବ୍ୟୁରୋ): ପୁଣି ବିବାଦରେ ଫସିଲେ ହାସ୍ୟ ଅଭିନେତା ପପୁପମପମ । ରାତାରାତି ଶୋସିଆଲ ମିଡିଆରେ ସେନସେସନ ପାଲଟି ଯାଇଥିବା ରାନୁ ମଣ୍ଡଲଙ୍କୁ ନକଲ କରି ଏବେ ବୁଢିଆଣୀ ଜାଲରେ ଛନ୍ଦି ହୋଇଛନ୍ତି । ସିଧା କହିବାକୁ ଗଲେ ସମାନ ଢଙ୍ଗ ଆଉ ସମାନ ତରିକାରେ ରାନୁଙ୍କ ଗୀତ ଗାଇ ଏବେ ଲୋକଙ୍କ ଟାର୍ଗେଟର ଶୀକାର ହୋଇଛନ୍ତି ପପୁ । ଅଭିଯୋଗ ଉଠିଛି ଜଣେ ଗରିବ ମହିଳାଙ୍କୁ ତାତ୍ସଲ୍ୟ କରି ନିଜେ ଚର୍ଚ୍ଚାର ପରିସରକୁ ଆସିବାକୁ ପପୁ କରିଛନ୍ତି ଏହି ହୀନ ଉଦ୍ୟମ । ପୁରା ଖବର ଜାଣିବା ପୂର୍ବରୁ ଥରେ ଦେଖି ନିଅନ୍ତୁ ଏହି ଭିଡିଓକୁ ।
ସୋମବାର ସନ୍ଧ୍ୟାରେ ଅଚାନକ ପପୁଙ୍କର ଏହି ଭିଡିଓ ବିଜୁଳି ବେଗରେ ଶୋସିଆଲ ମିଡିଆରେ ଭାଇରାଲ ହୋଇଥିଲା । ଯେଉଁଠି ପପୁ ଗୀତ ଗାଉଥିବା ବେଳେ ତାଙ୍କର ଜଣେ ସହଯୋଗୀ ହିମେସ ରେସେମିଆଁଙ୍କ ନକଲ କରି ସୁର ତାଳର ଲୟ ବୁଝାଉଥିଲେ । ବାସ ଏହି ଭିଡିଓ ସାମ୍ନାକୁ ଆସିବା ପରେ ଏବେ ଆରମ୍ଭ ହୋଇଛି ତୁମ୍ଭି ତୋଫାନ । କେହି କେହି ଶୋସାଲ ମିଡିଆରେ ତ ପପୁଙ୍କ ଚୌଦ ପୁରୁଷ ଉଦ୍ଧାର କରିଛନ୍ତି । ନଜର ପକାନ୍ତୁ କିଛି କମେଣ୍ଟ ବକ୍ସ ଉପରେ । ଏ ତ ଥିଲା କିଛି ଲୋକଙ୍କ ମତ । ତେବେ ଏ ସମ୍ପର୍କରେ ଆଉ ଜଣେ କଳାକାର ପପୁଙ୍କ ବିଷୟରେ କଣ କହୁଛନ୍ତି ଶୁଣି ନିଅନ୍ତୁ ।
ଶୁଣିଲେତ ଜଣେ କଳାକାର ହୋଇ ଆଉ ଜଣେ କଳାକାରଙ୍କୁ ତାତ୍ସଲ୍ୟ କରିବା ଶୋଭା ପାଏନି ପପୁଙ୍କ କ୍ଷେତ୍ରରେ । ଏକଥା ଆମେ ନୁହେଁ ଶୋସିଆଲ ମିଡିଆରେ ମତ ରଖିଛନ୍ତି ଅନେକ ବୁଦ୍ଧିଜୀବି । କିଛଇ ଦିନ ତଳେ ପୋଷ୍ଟର ବିବାଦକୁ ନେଇ ନାକରେ କାନ୍ଦି ଥିଲେ ପପୁ । ଏବେ ପୁଣି ପପୁଙ୍କର ଏହି ଭାଇରାଲ ଭିଡିଓ ଆଗକୁ କେଉଁ ମୋଡ ନେଉୂଛି ତାହା ସମୟ କହିବ ।
