ଭୁବନେଶ୍ୱର (ଏଟିଆର ବ୍ୟୁରୋ): ଲକଡାଉନକୁ ନେଇ ସରକାରଙ୍କ ବଡ ଘୋଷଣା । ଅଗଷ୍ଟ ୧ ଯାଏଁ ରାଜ୍ୟରେ ଆଶିଂକ ଲକଡାଉନ ଜାରି ରହିବ । କ୍ୟାଟେଗୋରୀ ଏ ରେ ଥିବା ୨୦ ଟି ଜିଲ୍ଲାରେ ସବୁଦିନ ଏବଂ ସକାଳ ୬ ରୁ ରାତି ୮ଟା ଯାଏଁ ଦୋକାନ ବଜାର ଖୋଲିବ । ସେହିପରି କ୍ୟାଟେଗୋରୀ ବି ରେ ଥିବା ୧୦ ଟି ଜିଲ୍ଲାରେ ସପ୍ତାହରେ ୫ ଦିନ ସକାଳ ୬ଟାରୁ ସନ୍ଧ୍ୟା ୫ ଟା ଯାଏଁ ଦୋକାନ ବଜାର ଖୋଲା ରହିବ । ଶନିବାର ଓ ରବିବାର ସପ୍ତାହନ୍ତ ସଟଡାଉନ ଜାରି ରହିବ । ଏନେଇ ମୁଖ୍ୟ ସଚିବ ପ୍ରେସ ବିବୃତିରେ ସୂଚନା ଦେଇଛନ୍ତି ।
ଅନ୍ୟପଟେ ଆସନ୍ତାକାଲିଟୁ ଜିମ୍ , ସ୍ପା ଏବଂ ବିୟୁଟ ପାର୍ଲର ଖୋଲା ରହିବ । ଏହାସହିତ ସାରା ରାଜ୍ୟରେ ବସ ଚଳାଚଳ କରିବ । କିନ୍ତୁ ପୁରୀ ଜିଲ୍ଲାରେ ରଥଯାତ୍ରା ଯୋଗୁଁ ଜୁଲାଇ ୨୫ ପରେ ବସ ଚଳାଚଳ ହେବ । ବସରେ ଯେତିକି ସିଟ୍ ସେତିକି ଯାତ୍ରୀ ଯାତ୍ରା କରିବେ ।
