ନୂଆଦିଲ୍ଲୀ(ଏଟିଆର ବ୍ୟୁରୋ): ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦିଲ୍ଲୀ ଏମ୍ସରେ କରୋନାର ଦ୍ୱିତୀୟ ଟିକା ନେଇଛନ୍ତି ।ମାର୍ଚ୍ଚ ୧ରେ ମୋଦି ଭାରତ ବାୟୋଟେକ ଦ୍ୱାରା ପ୍ରସ୍ତୁତ ହୋଇଥିବା କୋଭାକ୍ସିନର ପ୍ରଥମ ଟିକା ନେଇଛନ୍ତି । ଏନେଇ ପ୍ରଧାନମନ୍ତ୍ରୀ ମୋଦୀ ଟ୍ୱିଟ କରି ସୂଚନା ଦେଇଛନ୍ତି ।
ପ୍ରଧାନମନ୍ତ୍ରୀ ମୋଦି ଟ୍ୱିଟ କରି କହିଛନ୍ତି, ‘ଏମ୍ସ୍’ରେ କୋଭିଡ୍-୧୯ ଟିକାର ଦ୍ୱିତୀୟ ଡୋଜ୍ ନେଲି। ଭୂତାଣୁକୁ ପରାହତ କରିବା ଲାଗି ଥିବା ସ୍ୱଳ୍ପ କେତୋଟି ଉପାୟ ମଧ୍ୟରୁ ଟିକାକରଣ ଅନ୍ୟତମ। ଆପଣ ଯଦି ଟିକା ନେବାକୁ ଯୋଗ୍ୟ, ତୁରନ୍ତ ଟିକା ନିଅନ୍ତୁ। CoWin.gov.inରେ ପଞ୍ଜିକରଣ କରନ୍ତୁ।
ଆଜି ମୋଦିଙ୍କୁ ପୁଡୁଚେରୀର ପି ନିବେଦା ଦ୍ୱିତୀୟ ଟିକା ଦେଇଥିଲେ। ପଞ୍ଜାବର ଅନ୍ୟ ଜଣେ ନର୍ସ ନିଶା ଶର୍ମା ଟିକା ଦିଆଯାଉଥିବା ବେଳେ ପାଖରେ ଥିବା ଦେଖିବାକୁ ମିଳିଛି। ମୋଦିଙ୍କୁ ପ୍ରଥମ ଡୋଜ ମଧ୍ୟ ନର୍ସ ପି ନିବେଦା ଦେଇଥିଲେ।
