ପୁରୀ (ଏଟିଆର ବ୍ୟୁରୋ); ମାଡ । ନିର୍ଘାତ ମାଡ । ଆଖିବୁଜା ମାଡ ଖାଇଲେ ଦୁର୍ବୃତ୍ତ । ଟଙ୍କା ଲୁଟ କରୁଥିବା ବେଳେ ସ୍ଥାନୀୟ ଲୋକ କାବୁ କରି ମାରିଲେ ମାଡ । ପୋଲିସ ଖବର ପାଇବା ପରେ ଉତ୍ତେଜିତ ଲୋକଙ୍କ କବଳରୁ ଚୋରଙ୍କୁ ବଞ୍ଚାଇ ଗିରଫ କରିଛି । ପୋଲିସ ଦୁର୍ବୃତ୍ତଙ୍କ ନିକଟରୁ ଗୋଟିଏ ବଦ୍ଧୁକ ଏବଂ ବାଇକ ଜବତ କରିଛି । ତେବେ ଚୋର ଦୁଇ ଜଣଙ୍କ ଘର ସାତଶଙ୍ଖ ଅନ୍ତର୍ଗତ ବରାସେଳି ଗ୍ରାମରେ ।
ସୂଚନା ଅନୁଯାୟୀ ପିପିଲି ସାତଶଙ୍ଖ ଅଞ୍ଚଳର ଶଶିକାନ୍ତ ମହାପାତ୍ର ହାଟକୁ ଯାଉଥିବା ବେଳେ ଦୁଇଜଣ ଦୁର୍ବୃତ୍ତ ତାଙ୍କୁ ଅଟକାଇ ଟଙ୍କା ଲୁଟ କରିବା ପାଇଁ ଚେଷ୍ଟା କରିଥିଲେ । ଏଥିରେ ଶଶିକାନ୍ତ ବାଧା ଦେବାରୁ ତାଙ୍କୁ ଚୋରମାନେ ମାଡ ମାରିଥିଲେ । ତେବେ ଶଶିକାନ୍ତ ପାଟିକରି ଡାକିବାରୁ ସ୍ଥାନୀୟ ଲୋକ ଆସି ଡକାୟତଙ୍କୁ କାବୁ କରିଥିଲେ । ଚୋରଙ୍କୁ ଧରିବା ପରେ ନିର୍ଦ୍ଧୁମ ମାଡ ମାରିବା ପରେ ପୋଲିସ ଜିମା ଦେଇଥିଲେ ଲୋକ ।
