ଭୁବନେଶ୍ୱର (ଏଟିଆର ବ୍ୟୁରୋ); ସଦ୍ୟ ଖବର ଅନୁଯାୟୀ ବିଜେଡିକୁ ମିଳିଛି ଦୁଇଟି ବଡ ସଫଳତା । ଯାଜପୁର ଜିଲ୍ଲାର ବଡଚଣା ଆସନରେ ଅମର ଶତପଥୀ ବିଜୟ ହୋଇଥିବା ବେଳେ ନବରଙ୍ଗପୁର ଜିଲ୍ଲା ଝରିଗାଁ ନିର୍ବାଚନ ମଣ୍ଡଳୀ ଯୁବ ନେତା ପ୍ରକାଶ ଚନ୍ଦ୍ର ମାଝୀ ବିଜୟ ହୋଇଛନ୍ତି । ଏଥି ସହିତ ସଦ୍ୟ ସୂଚନା ଅନୁଯାୟୀ ବିଜେଡି ୪ଟି ବିଧାନସଭା ଆସନରେ ବିଜୟ ହୋଇଛି । ଯାହାକି ଦଳର ଖୁସିକୁ ଦ୍ୱିଗୁଣିତ କରି ଦେଇଛି ।
ନବରଙ୍ଗପୁର ଜିଲ୍ଲାର ଚିହ୍ନା ଚେହେରା ରମେଶ ମାଝୀଙ୍କ ପୁତୁରା ହେଉଛନ୍ତି ପ୍ରକାଶ ଚନ୍ଦ୍ର ମାଝୀ । ଚଳିତ ନିର୍ବାଚନରେ ରମେଶ ନବରଙ୍ଗପୁର ଲୋକସଭା ଆସନରୁ ପ୍ରତିଦ୍ୱନ୍ଦିତା କରୁଛନ୍ତି । ତାଙ୍କ ସ୍ଥିତି ଭଲ ରହିଛି ସେ ଆଗୁଆ ଅଛନ୍ତି । ତେବେ ପ୍ରକାଶଙ୍କ ନିର୍ବାଚନ ମଣ୍ଡଳୀରେ ବିଜେପି ପକ୍ଷରୁ ପର୍ଶୁରାମ ମାଝୀ ପ୍ରତିଦ୍ୱନ୍ଦିତା କରିଥିଲେ । କଂଗ୍ରେସର ପ୍ରାର୍ଥୀ ଭାବେ ନିର୍ବାଚନକୁ ଓହ୍ଲାଇଥିଲେ ଉଲାଧର ମାଝୀ । ସେ ତୃତୀୟ ସ୍ଥାନରେ ରହିଥିଲେ ।
ଯାଜପୁର ଜିଲ୍ଲାର ଏକ ପ୍ରମୁଖ ନିର୍ବାଚନ ମଣ୍ଡଳୀ ହେଉଛି ବଡଚଣା । ଗତଥର ଏଠାରେ ଅମର ଶତପଥୀ ବିଜୟ ହୋଇଥିଲେ । ଏଥର ବିଜୟ ଟିକା ପିନ୍ଧିସଛନ୍ତି । ସେ ୧୩୦୦ ଭୋଟରେ ବିଜୟ ହୋଇଛନ୍ତି । ତାଙ୍କ ସହ ବିଜେପି ପ୍ରାର୍ଥୀ ଅମର ନାୟକ ପ୍ରତିଦ୍ୱନ୍ଦିତା କରିଥିଲେ । କଂଗ୍ରେସ ବଡଚଣାରେ ଅଜୟ ସାମଲଙ୍କୁ ପ୍ରାର୍ଥୀ କରିଥିଲା ।ଯାଜପୁର ଜିଲ୍ଲାପାଳ ବିଧିବଦ୍ଧ ଭାବରେ ବିଜୟୀ ହୋଇଥିବା ଘୋଷଣା କରିଛନ୍ତି । ବିଜେଡିର ଗୋଟିଏ ପରେ ଗୋଟିଏ ବିଜୟକୁ ନେଇ ଦଳୀୟ କର୍ମୀମାନେ ବେଶ ଖୁସି ଅଛନ୍ତି ।
