ଭୁବନେଶ୍ୱର (ଏଟିଆର ବ୍ୟୁରୋ): ପୌର ନିର୍ବାଚନ ପାଇଁ ଶେଷ ହୋଇଛି ନାମାଙ୍କନ ପତ୍ର ଦାଖଲ । ପୌରାଧ୍ୟକ୍ଷ, ମେୟର ପଦ ପାଇଁ ୬୯୩, କାଉନସିଲର ଓ କର୍ପୋରେଟର ପଦ ପାଇଁ ୬୪୫୯ ନାମାଙ୍କନ ଦାଖଲ କରିଛନ୍ତି ପ୍ରାର୍ଥୀ । ଆଜିଠୁ ଜୋରଦାର ହେବ ପ୍ରଚାର । ଭୋଟରର୍ସଙ୍କୁ ଆକୃଷ୍ଟ କରିବା ପାଇଁ ପ୍ରଚାର ମଇଦାନକୁ ଓହ୍ଲାଇବେ ପ୍ରାର୍ଥୀ । ଏହାସହିତ ରାଜ୍ୟରେ କରୋନା କେସ କମ ଥିବାରୁ ପୌର ନିର୍ବାଚନ ପ୍ରଚାରରେ କୌଣସି କଟକଣା ନାହିଁ ବୋଲି ଏସଇସି ପକ୍ଷରୁ ସୂଚନା ଦିଆଯାଇଛି ।
ମାର୍ଚ୍ଚ ୨୪ରେ ପୌର ନିର୍ବାଚନ ହେବାକୁ ଥିବାବେଳେ ଗତକାଲି ଥିଲା ନାମାଙ୍କନ ପତ୍ର ଦାଖଲ କରିବାର ଶେଷ ଦିନ । ଶେଷ ଦିନରେ ମଧ୍ୟରେ ପ୍ରାର୍ଥୀଙ୍କ ମଧ୍ୟରେ ଖୁବ୍ ଉତ୍ସାହ ଦେଖିବାକୁ ମିଳିଥିଲା ।
