ଭୁବନେଶ୍ୱର (ଏଟିଆର ବ୍ୟୁରୋ); ଗତକାଲି ପାଟକୁରାରେ ସରିଛି ନିର୍ବାଚନ । ଏହି ନିର୍ବାଚନ ମଣ୍ଡଳୀ ଉପରେ ରହିଥିଲା ସମସ୍ତଙ୍କ ନଜର । ଏଠାରେ ବିଜେପି ଏବଂ ବିଜେଡି ସମ୍ମାନକୁ ନେଇ ଲଢ଼େଇ ହୋଇଛି । ପ୍ରଥମରୁ କେତେକ ମଧ୍ୟ ଏଠାରେ ବିଜୟ ଏବଂ ନବୀନ ଲଢ଼େଇ , ମାଟି ଏବଂ ପାଟି ଲଢ଼େଇ ବୋଲି କୁହାଯାଉଥିଲା । ତେବେ ଏହି ନିର୍ବାଚନରେ କାହାର କଣ ପରିସ୍ଥିତି ରହିଥିଲା ତା ଉପରେ ରହିଥିଲା ସମସ୍ତଙ୍କ ନଜର ।
ତେବେ ଏଠାରେ କିଏ ବିଜୟ ହେବ ତାକୁ ନେଇ ଅନେକ ଚର୍ଚ୍ଚା ହେଉଛି । ରାଜନୈତିକ ପଣ୍ଡିତମାନେ ଭିନ୍ନ ଭିନ୍ନ ମତ ମଧ୍ୟ ଦେଇଛନ୍ତି । ତେବେ ରାଜ୍ୟ ରାଜନୀତିର ଚର୍ଚ୍ଚିତ ଚେହେରା ତଥା ଜଟଣୀ ବିଧାୟକ ସୁର ରାଉତରାୟ କହିଛନ୍ତି କି ପାଟକୁରାରେ ବିଜେଡିର ବିଜୟ ହେବ । ସାବିତ୍ରୀ ଅଗ୍ରୱାଲ ଏଠାରେ ନିଶ୍ଚିନ୍ତ ବିଜୟ ହେବେ । ଏବଂ ବିଜେପି ଦ୍ୱିତୀୟ ସ୍ଥାନରେ ରହିବ ।
କଂଗ୍ରେସ କଥା ପଚାରିବାରୁ ଏହି ବରିଷ୍ଠ ନେତା କହିଛନ୍ତି କି ଦଳ ତିନି ନମ୍ବର ସ୍ଥାନରେ ରହିବ । ପୂର୍ବରୁ ମଧ୍ୟ ସୁର କହିଥିଲେ କି ନବୀନ ବାବୁ ଏଠାରେ ଆସି ବିଡା ବିଡା ଟଙ୍କା ଦେଇ ଚାଲିଯାଇଛନ୍ତି । ଅପରପକ୍ଷରେ କେନ୍ଦ୍ରରୁ ମଧ୍ୟ ଟଙ୍କା ଆଣି ବିଜେପି ଖର୍ଚ୍ଚ କରିଛି । ଏଣୁ ଏହି ଦୁଇ ଦଳ ଆଗରେ ରହିବେ । କଂଗ୍ରେସ ଏହି ଲଢ଼େଇରେ ତିନି ନମ୍ବର ସ୍ଥାନରେ ରହିବ ।
