ଭୁବନେଶ୍ୱର (ଏଟିଆର ବ୍ୟୁରୋ): ଆଜି ରାଜ୍ୟସଭା ନିର୍ବାଚନ ପାଇଁ ବିଜ୍ଞପ୍ତି ପ୍ରକାଶ ପାଇଛି । ଓଡିଶାର ୪ଟି ଆସନ ଖାଲି ପଡୁଥିବା ବେଳେ ଏହିସବୁ ଆସନ ପାଇଁ ବିଜ୍ଞପ୍ତି ପ୍ରକାଶ ପାଇଛି । ଆଜିଠାରୁ ନାମାଙ୍କନ ପତ୍ର ଦାଖଲ ଆରମ୍ଭ ହେଉଥିବା ବେଳେ ଆସନ୍ତା ୧୩ ତାରିଖରେ ଏହାର ଶେଷ ହେବ । ତେବେ ୨୬ରେ ନିର୍ବାଚନ ହେବାକୁ ଥିବା ବେଳେ ସେହିଦିନ ସଂନ୍ଧ୍ୟାରେ ହିଁ ଫଳାଫଳ ପ୍ରକାଶ ପାଇବ । କିଛିଦିନ ତଳେ ନିର୍ବାଚନ କମିଶନ ୧୭ଟି ରାଜ୍ୟର ୫୫ଟି ଆସନ ପାଇଁ ନିର୍ବାଚନ ଘୋଷଣା କରିଥିଲେ ।
ଅନ୍ୟପଟେ ସଂଖ୍ୟା ଦୃଷ୍ଟିରୁ ଦେଖିବାକୁ ଗଲେ ବିଜେଡି ଖାତାରେ ତିନୋଟି ଆସନ ପଡୁଥିବା ବେଳେ ଚତୁର୍ଥ ଆସନ ପାଇଁ ଟଣାଓଟରା ଲାଗି ରହିଛି । ବିଜେଡି-ବିଜେପି ସହମତିରେ ପ୍ରାର୍ଥୀ ଦେବେ ନା ବିଜେଡି ଏହି ଆସନ ଏକାକୀ ହାସଲ କରିବାକୁ ଚାହିଁବ,ତାକୁ ନେଇ ନାନା ଚର୍ଚ୍ଚା ଲାଗି ରହିଛି। କିଛିଦିନ ହେବ ରାଜ୍ୟସଭା ଯିବା ପାଇଁ ନବୀନ ନିବାସରେ ବିଭିନ୍ନ ଖ୍ୟାତିନାମା ଲୋକଙ୍କୁ ଲବି କରୁଥିବାର ଦେଖିବାକୁ ମିଳୁଛି ।
