ବ୍ରହ୍ମପୁର (ଏଟିଆର ବ୍ୟୁରୋ); ପୁଣି ନଜରକୁ ଆସିଲା ଆଉ ଏକ ଲଜ୍ଜା । ରାସ୍ତା ଉପରୁ ଟେକି ନେଇ ନାବାଳିକାଙ୍କୁ ଗଣଦୁଷ୍କର୍ମ । ପଡୋଶୀ ଘରକୁ ମା ଯାଇଥିବା ବେଳେ ତାକୁ ଡାକିବାକୁ ଯାଇ ଦୁଷ୍କର୍ମର ଶିକାର ହୋଇଛି ନାବାଳିକାଟି । ଏହି ଲଜ୍ଜାକର ଘଟଣା ଘଟିଛି ବ୍ରହ୍ମପୁର ଗୋଳନ୍ଥରା ଥାନା ଅଞ୍ଚଳରେ । ପୋଲିସ ଘଟଣାରେ ଜଡିତ ୩ ଅଭିଯୁକ୍ତଙ୍କୁ ଗିରଫ କରିଛି । ସେମାନେ ହେଲେ କାହ୍ନୁ ପାତ୍ର, ସୁଦର୍ଶନ ନାୟକ ଓ ତୁଫାନ ନାୟକ ।
ପୋଲିସ ରିପୋର୍ଟ ଅନୁସାରେ ଗତ ୧୫ ତାରିଖ ରାତିରେ ଘଟିଛି ଏହି ଅଘଟଣ । ନାବାଳିକାଙ୍କ ମା ଘରେ ନଥିବା ବେଳେ ଏକାକିଥିଲା ନାବାଳିକାଟି । ରାତି ୮ଟା ହେବ ମାକୁ ଖୋଜିବାକୁ ପଡୋଶୀ ଘରକୁ ନାବାଳିକାଟି ଯାଉଥିବା ବେଳେ ରାସ୍ତା ଉପରୁ ଅଭିଯୁକ୍ତମାନେ ତାକୁ ଜବରଦସ୍ତ ଉଠାଇ ନେଇଥିଲେ । ନିକଟରେ ଥିବା ଏକ ବିଲରେ ସମସ୍ତେ ମିଳିମିଶି ଦୁଷ୍କର୍ମ କରିଥିବା ଅଭିଯୋଗରେ ଦର୍ଶାଯାଇଛି । ଗୋଳନ୍ଥରା ଥାନା ଅଧିକାରୀ ଆଲୋକ ଜେନା ୭୨ ଘଣ୍ଟା ଭିତରେ ଅଭିଯୁକ୍ତଙ୍କୁ ଗିରଫ କରିବାରେ ସଫଳ ହୋଇଛନ୍ତି ।
