ପୁରୀ (ଏଟିଆର ବ୍ୟୁରୋ): ପାଖେଇ ଆସୁଛି କାର୍ତ୍ତକ ବ୍ରତ । ଏହି ବ୍ରତ ପାଳନ କରିବା ନିମନ୍ତେ ହବିଷ୍ୟାଳି ଯୋଜନାରେ ଆଜିଠୁ ପଞ୍ଜିକରଣ ଆରମ୍ଭ । ଆଗ୍ରହୀ ହବିଷ୍ୟାଳୀ ଆଜିଠୁ ପଞ୍ଜିକରଣ କରିପାରିବେ । ଉଭୟ ଅନଲାଇନ ଓ ଅଫଲାଇନ୍ ସହ ପୁରୀ ଜିଲ୍ଲା ପର୍ଯ୍ୟଟନ ଅଧିକାରୀଙ୍କ ହ୍ୱାଟ୍ସଆପ ନମ୍ବର ୯୪୩୭୦୮୦୬୩୨ ରେ କଲ କରି ହବିଷ୍ୟାଳୀମାନେ ପଞ୍ଜିକରଣ କରିପାରିବେ ।
ଚଳିତବର୍ଷ ରାଜ୍ୟ ସରକାରଙ୍କ ପକ୍ଷରୁ ହବିଷ୍ୟାଳିମାନଙ୍କ ପାଇଁ ସ୍ଥାୟୀ ଶିବିର ପ୍ରସ୍ତୁତ କରାଯାଇଛି । ସେଠାରେ ହବିଷ୍ୟାଳୀମାନଙ୍କ ରହିବା ସହ ଭଜନ କିର୍ତ୍ତନ ଓ ପୂଜାପାଠ ପାଇଁ ସ୍ୱତନ୍ତ୍ର ବ୍ୟବସ୍ଥାମାନ କରାଯାଇଛି । ରାଜ୍ୟର ବିଭିନ୍ନ ପ୍ରାନ୍ତରୁ ୩ ହଜାରରୁ ଅଧିକ ହବିଷ୍ୟାଳୀଙ୍କୁ ବ୍ରତ ପାଳନର ସୁଯୋଗ ମିଳିବ । ଆଜିଠୁ ସେପ୍ଟମ୍ବର ୨୯ ତାରିଖ ଯାଏଁ ପଞ୍ଜିକରଣ କରିପାରିବେ ହବିଷ୍ୟାଳୀ ।
