ଭୁବନେଶ୍ୱର (ଏଟିଆର ବ୍ୟୁରୋ): ଆସନ୍ତା କାଲି ପୁରୁଷ ହକି ବିଶ୍ୱକପର ଉଦଯାପନୀ ଉତ୍ସବ । ଏହି ଉତ୍ସବରେ ଭାରତୀୟ କ୍ରିକେଟ ଦଳର ମାଷ୍ଟର ବ୍ଲାଷ୍ଟର ମାନେ ସଚିନ୍ ତେନ୍ଦୁଲକର ଓଡିଶା ଆସି ହକିକୁ ସମର୍ଥନ ଜଣାଇବେ ବୋଲି ଜାଣିବାକୁ ମିଳିଛି । ଏନେଇ ଖୋଦ୍ ସଚିନ୍ ଟ୍ୱିଟ୍ କରି ଜଣାଇଛନ୍ତି ।
ସେ କହିଛନ୍ତି କି, ଏହି ପୁରୁଷ ହକି ବିଶ୍ୱକପ୍ ପାଇଁ ସମଗ୍ର ଦେଶ ସମର୍ଥନ ଜଣାଉଥିବାରୁ ମୁଁ ବହୁତ ଖୁସି ଅନୁଭବ କରୁଛି । ବିଶ୍ୱସ୍ତରୀୟ ଏହି ବିଶାଳକାୟ ଆୟୋଜନ ପାଇଁ ଓଡିଶା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏବଂ ହକି ଇଣ୍ଡିଆକୁ ଧନ୍ୟବାଦ । ଏହାକୁ ସମର୍ଥନ ଜଣାଇବା ପାଇଁ ମୁଁ ଆସନ୍ତାକାଲି କଳିଙ୍ଗ ଷ୍ଟାଡିୟମରେ ପହଁଚିବି । ସେଇଠି ହିଁ ଦେଖା ହେବା ।
