ଭୁବନେଶ୍ୱର (ଏଟିଆର ବ୍ୟୁରୋ); ହିନ୍ଦୀ ସିରିଏଲରେ ରାଜ କରୁଛନ୍ତି ଓଲିଉଡ ହିରୋଇନ ସମ୍ଭାବନା ମହାନ୍ତି । ଜି ଟିଭିରେ ପ୍ରସାରିତ ‘ରାଜାବେଟା’ ସିରିଏଲରେ କାମ କରିବାର ସୁଯୋଗ ପାଇଛନ୍ତି । ଏଥିରେ ମୁଖ୍ୟ ଚରିତ୍ରରେ ନଜର ଆସିଛନ୍ତି । ଏହି ସିରିଏଲରେ ତାଙ୍କ ନାଁ ରହିଛି ‘ପୁରଭା’ । ସମ୍ଭାବନାଙ୍କ ବିପକ୍ଷରେ ସିରିଏଲର ହିରୋ ସାଜିଛନ୍ତି ସୁଧୀର । ଏଥିରେ ‘ବେଦାନ୍ତ’ ଚରିତ୍ରରେ ଅଭିନୟ କରୁଛନ୍ତି ସୁଧୀର । ପାରିବାରିକ ସିକ୍ୟୁଏନ୍ସକୁ ନେଇ ଆରମ୍ଭ ହୋଇଛି ଏହି ସିରିଏଲ । ହିନ୍ଦୀ ସିରିଏଲରେ ନଜର ଆସିବା ପରେ ବେଶ ଖୁସି ଅଛନ୍ତି ସମ୍ଭାବବନା । ଓଡିଆ ଝିଅ ହୋଇ ହିନ୍ଦୀ ସିରିଏଲରେ କାମ କରିବା ଓଡିଶା ପାଇଁ ଗର୍ବ ଏବଂ ଗୈାରବ । ଶୁକ୍ରବାରଠାରୁ ଏହି ଶୋ ଜି ଚ୍ୟାନେଲରେ ପ୍ରସାରିତ ହେବ ।
ସମ୍ଭାବନା ମହାନ୍ତି ହେଉଛନ୍ତି ଓଲିଉଡର ଜଣାଶୁଣା କଳାକାର ସ୍ମିଗ୍ଧା ମହାନ୍ତିଙ୍କ ସୁକନ୍ୟା । ତେବେ ସମ୍ଭାବନା ଓଲିଉଡରେ ମଧ୍ୟ ଗୋଟିଏ ସୁପରହିଟ ଫିଲ୍ମ କରିଥିଲେ । ଯାହାର ନାଁ ଥିଲା ‘ତୁ ରାଜା ମୁଁ ରାଣୀ’ । ଏହି ଫିଲ୍ମରେ ସେ ଅରିନ୍ଦମଙ୍କ ବିପକ୍ଷରେ ନାୟିକା ହୋଇଥିଲେ । ପ୍ରଥମ ଚଳଚ୍ଚିତ୍ରରେ ତାଙ୍କୁ ଦର୍ଶକ ବହୁତ ପସନ୍ଦ କରିଥିଲେ । ତେବେ ପରବର୍ତ୍ତୀ ସମୟରେ ‘ସାଜନା’ ଆଲବମରେ ସମ୍ବିତଙ୍କ ସହ କାମ କରି ଖୁବ ପ୍ରିୟ ହୋଇଥିଲେ ଦର୍ଶକ ମହଲରେ ।
