ଭୁବନେଶ୍ୱର ( ଏଟିଆର ବ୍ୟୁରୋ): ସଞ୍ଜୟ ଦାସ ବର୍ମା ହେଲେ ଯୋଜନା ବୋର୍ଡ ଉପାଧ୍ୟକ୍ଷ । ଆଜି ଏନେଇ ଘୋଷଣା କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏହି ଅବସରରେ ଆଜି ସଞ୍ଜୟଙ୍କ ଶୁଭେଚ୍ଛୁଙ୍କ ମଧ୍ୟରେ ଖୁସିର ଲହରି ଖେଳି ଯାଇଛି । ଗତ ସାଧାରଣ ନିର୍ବାଚନରେ ସଞ୍ଜୟ ପରାଜିତ ହୋଇଥିବାରୁ ତାଙ୍କୁ ଏହି ପଦବୀ ଦେଇ ସନ୍ତୁଷ୍ଟ କରିଛନ୍ତି ମୁଖ୍ୟମନ୍ତ୍ରୀ ।
ଯେହେତୁ ସଞ୍ଜୟ ଦାସ ବର୍ମା ବିଜେଡିର ଜଣେ ହେବି ୱେଟ ନେତା ତେଣୁ ତାଙ୍କୁ ଏହି ପଦବୀ ଦେଇ ପୁଣି ସକ୍ରିୟ କରିବାକୁ ଅଣ୍ଟା ଭିଡିଛନ୍ତି ମୁଖ୍ୟମନ୍ତ୍ରୀ ବୋଲି ଆଲୋଚନା ହେଉଛି । ଅନ୍ୟପଟେ ଆସନ୍ତା ପୌରପରିଷଦ ନିର୍ବାଚନକୁ ଆଖି ଆଗରେ ରଖି ଏହି ପଦବୀ ଦିଆଯାଇଥିବା ଚର୍ଚ୍ଚା ହେଉଛି । ତେବେ ଏହି ପଦବୀ ପାଇବା ପରେ ସଞ୍ଜୟ କ୍ୟାବିନେଟ ପାହ୍ୟା ମନ୍ତ୍ରୀର ମର୍ଯ୍ୟାଦା । ସଞ୍ଜୟଙ୍କ ଏହି କମବ୍ୟାକକୁ ନେଇ ସଞ୍ଜୟଙ୍କ ନିକଟକୁ ଛୁଟୁଛି ଶୁଭେଚ୍ଛାର ସୁଅ ।ଗତ ସାଧାରଣ ନିର୍ବାଚନରେ ବ୍ରହ୍ମଗିରି ବିଧାନସଭା ନିର୍ବାଚନ ମଣ୍ଡଳୀରୁ ପରାସ୍ତ ହୋଇଥିଲେ । ତାଙ୍କ ନିକଟତମ ପ୍ରତିଦ୍ବନ୍ଦ୍ବୀ ବିଜେପିର ଲଳିତେନ୍ଦୁ ବିଦ୍ୟାଧର ମହାପାତ୍ରଙ୍କଠାରୁ ସେ ପରାସ୍ତ ହୋଇଥିଲେ ।
