କୋଣାର୍କ ( ଏଟିଆର ବ୍ୟୁରୋ): କେନାଲକୁ ଖସି ପଡିଲା ସ୍କୁଲ ଗାଡି । ୧୦ ଛାତ୍ରଛାତ୍ରୀ ଆହତ । ଏମିତି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ପୁରୀ ଜିଲ୍ଲା ଚାରିଛକ ଥାନା ଅଳଗୁଆ ଗାଁରେ । ସୂଚନା ଅନୁସାରେ ଆଜି ସକାଳେ ଏକ ଟାଟା ମ୍ୟାଜିକ ସ୍କୁଲ ଭ୍ୟାନ ପିଲାମାନଙ୍କୁ ଗ୍ରାମରୁ ନେଇ ସ୍କୁଲ ଅଭିମୁଖେ ଯାଉଥିଲା । ଏହି ସମୟରେ ଭ୍ୟାନଟି କୌଣସି କାରଣ ବସତଃ ଭାରସ୍ୟାମ ହରାଇ ରାସ୍ତାକଡରେ ଥିବା କେନାଲକୁ ଓଲଟି ପଡିଥିଲା । ଏହି ସମୟରେ ଗାଡିରେ ସର୍ବମୋଟ ୧୭ ଜଣ ଛାତ୍ରଛାତ୍ରୀ ଥିବା ବେଳେ ସେମାନଙ୍କ ମଧ୍ୟରୁ ୧୦ ଜଣ ଆହତ ହୋଇଛନ୍ତି ।
ସେହି ୧୦ ଜଣଙ୍କ ମଧ୍ୟରୁ ଜଣଙ୍କର ଅବସ୍ଥା ଗୁରୁତର ଥିବା ଜଣା ପଡିଛି । ଗାଡିଟି ପାଣି ଭିତରେ ଅଧାରୁ ଅଧିକ ବୁଡି ଯାଇଥିଲା । ସ୍ଥାନୀୟ ଗ୍ରାମବାସୀ ମାନେ ତତକ୍ଷଣାତ ପିଲାମାନଙ୍କୁ କେନାଲରୁ ଉଦ୍ଧାର କଣି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ପଠାଇଥିଲେ । ଆହତ ୯ ଛାତ୍ରଛାତ୍ରୀଙ୍କୁ ପ୍ରାଥମିକ ଚିକିତ୍ସା ପରେ ଛାଡ଼ି ଦିଆଯାଇଛି । ଜଣଙ୍କୁ ଗୁରୁତର ଅବସ୍ଥାରେ ଭୁବନେଶ୍ୱର ସ୍ଥାନାନ୍ତରିତ କରାଯାଇଛି ।
