ବାଇକରୁ ଜବତ ହେଲା ୧୪ ଲକ୍ଷରୁ ଅଧିକ ଟଙ୍କା

ବ୍ରହ୍ମଗିରି ( ଏଟିଆର ବ୍ୟୁରୋ) : ରାତି ପାହିଲେ ନିର୍ବାଚନ । ଅନ୍ଧାରୀ ବିଜେ ପାଇଁ କିଛି ବି ଯୋଜନା ହୋଇପାରେ । ନିର୍ବାଚନକୁ ଦୁର୍ନିତି ମୁକ୍ତ କରିବା ପାଇଁ ନିର୍ବାଚନ କମିଶନ ଗଂନ କରିଛନ୍ତି ନିର୍ବାଚନ ଫ୍ଲାଇ ସ୍କ୍ୱାଡ । ବିଭିନ୍ନ ସ୍ଥାନରୁ ଯାହା ବର୍ତ୍ତମାନ ବିପୁଳ ଟଙ୍କା ଜବତ କରୁଛି । କୋଉଠି ଟଙ୍କା ଫୋପାଡି ଚାଳକ ଫେରାର ହେଇଯାଉଛି ତ ପୁଣି ଆଉ କେଉଁଠି ମୁଣ୍ଡ ଟିଣ କରି ଦେଉଛି ଫ୍ଲାଇ ସ୍କ୍ୱାଡ । ଆଜି ଜଣେ ବାଇକ ଚାଳକଙ୍କ ନିକଟରୁ ପ୍ଲାଇଂ ସ୍କ୍ୱାଡ ଜବତ କରିଛି ୧୪ ଲକ୍ଷ ୬୮ ହଜାର୫ ଶହ ଟଙ୍କା । ଘଟଣା ଘଟିଛି ବ୍ରହ୍ମଗିରି – ସାତପଡା ଏନଏଚ ସୁନାମୁହିଁ ଛକ ନିକଟରେ । ବାଇକ ଡିକିରୁ ଏହି ଟଙ୍କା ଜବତ ହୋଇଛି । ଏତେ ପରିମାଣର ଟଙ୍କା କୁଆଡେ ଓ କାହିଁକି ଯାଉଥିଲା ତାକୁ ନେଇ ତଦନ୍ତ ଜାରି ରହିଛି ।