ଭୁବନେଶ୍ୱର ( ଏଟିଆର ବ୍ୟୁରୋ): ପୂର୍ବତନ ପୋଲିସ ମହାନିର୍ଦେଶକ ଶ୍ୟାମ ନାରାୟଣ ତିୱାରିଙ୍କ ପରଲୋକ । ଆଜି ଏକ ଘରୋଇ ହସ୍ପିଟାଲରେ ତାଙ୍କର ଦେହାନ୍ତ ହୋଇଛି । ମୃତ୍ୟୁ ବେଳକୁ ତାଙ୍କୁ ୮୧ ବର୍ଷ ବୟସ ହୋଇଥିଲା । ପୂର୍ବତନ ପୋଲିସ ମହାନିର୍ଦେଶକଙ୍କ ବିୟୋଗରେ ଓଡିଶା ପୋଲିସ ମହାନିର୍ଦେଶକ ଅଭୟ ଶୋକ ପ୍ରକାଶ କରିଛନ୍ତି । ସ୍ୱର୍ଗତ ତିୱାରି ୧୯୬୩ ମସିହାରେ ଆଇପିଏସରେ ଯୋଗ ଦେଇଥିଲେ ।
ସ୍ୱର୍ଗତ ତିୱାରି ତାଙ୍କ କାର୍ଯ୍ୟକାଳ ଭିତରେ ଇଣ୍ଟେଲିଜେନସ ନିର୍ଦେଶକ, କାରାଗାର ନିର୍ଦେଶକ, ଇଣ୍ଟେଲିଜେନ୍ସ ବ୍ୟୁରୋ ଯୁଗ୍ମ ସଚିବ, ପୁଲିସ ଡିଜି ହୋଇ ସାରିଛନ୍ତି । ସ୍ୱର୍ଗତ ତିୱାରୀ ଗତ କିଛିଦିନ ହେଲା କର୍କଟ ରୋଗରେ ପୀଡିତ ହୋଇ ଚିକିତ୍ସିତ ହେଉଥିଲେ । ଆଜି ତାଙ୍କର ଦେହାନ୍ତ ହୋଇଛି ।
