ଭୁବନେଶ୍ୱର (ଏଟିଆର ବ୍ୟୁରୋ): ରାଜ୍ୟରେ ମହାମାରୀ କରୋନାର ମୁକାବିଲା ପାଇଁ ସରକାର ରାଜ୍ୟରେ ଲକଡାଉନ ଲାଗୁ କରିଥିଲେ । ହେଲେ ଉଭୟ କେନ୍ଦ୍ର ସରକାର ଓ ରାଜ୍ୟ ସରକାର ଲକଡାଉନକୁ ଏହି ମାସରୁ ଉଠାଇ ଦେଇଛନ୍ତି । ଯାହାର ଫଳ ସ୍ୱରୂପ ରାଜ୍ୟରେ ଦିନକୁ ଦିନ ହଜାର ହଜାର ସଂଖ୍ୟାକ କରୋନା ଆକ୍ରାନ୍ତ ଚିହ୍ନଟ ହେଉଛନ୍ତି । ଲକଡାଉନ କଟକଣା କୋହଳ ହେବା ପରେ ଲୋକମାନେ ବେପରୱା ହୋଇଯାଇଥିବା ଲକ୍ଷ୍ୟ କରାଯାଉଛି ।
କିଛି ଲୋକଙ୍କ ଦାୟିତ୍ୱହୀନତା ଯୋଗୁଁ କରୋନା ବିରୋଧୀ ଲଢେଇ ଦୁର୍ବଳ ହେଉଛି ବୋଲି ରାଜ୍ୟ ସ୍ୱତନ୍ତ୍ର ରିଲିଫ କମିଶନର ପ୍ରଦୀପ ଜେନା କହିଛନ୍ତି । ସେ କହିଛନ୍ତି ରାଜ୍ୟରେ ଲକଡାଉନ ଉଠିଯିବା ଫଳରେ ଲୋକ ବେପରୱା ହୋଇ ବାହାରେ ବୁଲିବା ସହ କୋଭିଡ ନିୟମକୁ ଅଦୁମ ଖାତିରି କରୁନାହାନ୍ତି । ଗତ ଶୁକ୍ର ଓ ଶନିବାରଦିନ ଭୁବନେଶ୍ୱର ଓ କଟକରେ କେତେକ ସ୍ଥାନରେ ଲୋକମାନଙ୍କ ଆଚରଣର ଭିଡିଓ ରେକର୍ଡିଂ କରାଯାଇଥିଲା । ଯେଉଁଠାରେ ଲୋକମାନେ କୋଭିଡ ନିୟମକୁ ଖାତିର କରୁନଥିବା ଦେଖିବାକୁ ମିଳୁଥିବା ବେଳେ ଅନେକ ଲୋକ ମାସ୍କ ପିନ୍ଧୁ ନଥିବା ଓ ସାମାଜିକ ଦୂରତା ମାନୁନଥିବା ଦେଖିବାକୁ ମିଳିଥିଲା ।
ଯାହାଫଳରେ ସଂକ୍ରମଣ ଅଧିକ ପରିମାଣରେ ବ୍ୟପିବାରେ ଲାଗିଛି । ତେବେ ଲୋକେ ଯଦି ସଂକ୍ରମଣକୁ ରୋକିବାକୁ ଚାହୁଛନ୍ତି ତେବେ ସେମାନେ ତିନୋଟି ଜିନିଷକୁ ମାନିବା ଆବଶ୍ୟକ । ସାମାଜିକା ଦୂରତା, ମାସ୍କ ଓ ସ୍ୱସ୍ଥ୍ୟ ସଚେତନ ହେଲେ ସଂକ୍ରମଣ ବ୍ୟପିବ ନାହିଁ ବୋଲି ରାଜ୍ୟ ସ୍ୱତନ୍ତ୍ର ରିଲିଫ କମିଶନର ପ୍ରଦୀପ ଜେନା କହିଛନ୍ତି ।
