କଟକ ( ଏଟିଆର ବ୍ୟୁରୋ): ପୋଲିସ ହେଲା ଚୋର । ଲୋକଙ୍କୁ ସୁରକ୍ଷା ଯୋଗାଉଥିବା ପୁଲିସ କଲା ଚୋରି । ଏମିତି ଏକ ଘଟଣା ଦେଖିବାକୁ ମିଳିଛି କଟକ ଜିଲ୍ଲାର ଟାଙ୍ଗି ଥାନାରେ । ଟାଙ୍ଗି ଥାନାର ୩ ଜଣ ପୋଲିସ କର୍ମଚାରୀ ଜାତୀୟ ରାଜପଥ ଉପରୁ ଲୁଟ କରୁଥିବା ଅଭିଯୋଗରେ ଗିରଫ ହୋଇଛନ୍ତି ।
ସୂଚନା ଅନୁସାରେ କଟକ ଜିଲ୍ଲା ଟାଙ୍ଗିଥାନା ଅନ୍ତର୍ଗତ ଜାତୀୟ ରାଜପଥ ୧୬ ରେ ତିନି ଜଣ ପୋଲିସ ଲୁଟ କରିଥିବା ଅଭିଯୋଗ ହୋଇଛି । ଗତ ବୁଧବାର ବିଳମ୍ଭିତ ରାତିରେ ନିର୍ଗୁଣ୍ଡି ଟୋଲ ଗେଟ ନିକଟରେ ଗୋଟିଏ ପରିବାର ନିକଟରୁ ତଲାସି କରି କାରରେ ଥିବା ଦେଢ ଲକ୍ଷ ଟଙ୍କା ନେଇ ଯାଇଥିଲେ ।
ଏବଂ ସେମାନଙ୍କୁ କମିଶନରେଟର ସ୍ପେସାଲ ସ୍କାର୍ଡର ପରିଚୟ ଦେଇ ଟଙ୍କା ନେଇ ଯାଇଥିଲେ । ଗୁରୁବାର ଦିନ ପରିବାର ଲୋକେ ଡିସିପିଙ୍କୁ ଭେଟିଥିଲେ ଏବଂ ଡିସିପିଙ୍କ ପରାମର୍ଶ କ୍ରମେ ଟାଙ୍ଗିଥାନାକୁ ଯାଇ ଦେଖିଥିଲେ ତିନି ହୋମଗାର୍ଡଙ୍କୁ । ଏନେଇ ଡିସିପିଙ୍କୁ ଜଣାଇବା ପରେ ଥାନା ଆଇଆଇସି ବିମଳ ବାରିକ ନିଜ ଆଡୁ ଏକ ମାମଲା ରୁଜୁ କରି ତିନି ଜଣଙ୍କୁ ଗିରଫ କରିଥିବା ଜଣା ପଡିଛି ।
