ଭୁବନେଶ୍ୱର ( ଏଟିଆର ବ୍ୟୁରୋ): ଆଜି ପୁଣି ଅଷ୍ଟମ ଥର ପାଇଁ ବିଜେଡି ସଭାପତି ଭାବେ ମନୋନୀତ ହେବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଆଜି ଏନେଇ ବିଧିବଦ୍ଧ ଭାବେ ଘୋଷଣା କରାଯିବ । ଯେହେତୁ ବିଜେଡି ସଭାପତି ପଦ ପାଇଁ ଆଉ କୌଣସି ନେତା ନାମାଙ୍କନ ଭରି ନଥିଲେ ତେଣୁ ନବୀନ ପଟ୍ଟନାୟକ ଅଷ୍ଟମ ଥର ପାଇଁ ବିଜେଡିର ମଙ୍ଗ ଧରିବେ ।
ଆଜି ରାଜ୍ୟ ପରିଷଦ ବୈଠକ ହେବ । ଯେଉଁଥିରେ ୮୦ ଜଣ ସଦସ୍ୟ ରାଜ୍ୟ କାର୍ଯ୍ୟକାରୀଣି ନିର୍ବାଚିତ କରାଯିବ । ସୂଚନାଯୋଗ୍ୟ ଏହି ପଦବୀ ପାଇଁ ନବୀନ ଗତ ୨୩ ତାରିଖରେ ନାମାଙ୍କନ ଦାଖଲ କରିଥିଲେ । ଏହା ସମେତ ୮୦ ଜଣ କାର୍ଯ୍ୟକାରୀଣି ପାଇଁ ନାମାଙ୍କନ ଭରିଥିଲେ । ୧୯୯୭ ମସିହା ଠାରୁ ଦଳ ଗଠନ ହେବା ଦିନ ଠାରୁ ନବୀନ ପଟ୍ଟନାୟକ ଦଳର ସଭାପତି ରହି ଆସିଛନ୍ତି ।
