ରାୟଗଡା ( ଏଟିଆର ବ୍ୟୁରୋ): ଆଜିଠାରୁ ଆରମ୍ଭ ହୋଇଛି ମାଓବାଦୀଙ୍କ ୧୫ ତମ ପ୍ରତିଷ୍ଠା ଦିବସ । ଆଜିଠାରୁ ସପ୍ତାହେ ବ୍ୟାପି ପ୍ରତିଷ୍ଠା ଦିବସ ପାଳିତ ହେବ । ଏନେଇ ମାଓବାଦୀ ସଂଗଠନ ପକ୍ଷରୁ ସ୍ୱତନ୍ତ୍ର ପ୍ରସ୍ତୁତି ମଧ୍ୟ ହୋଇଛି । ଏଥିପାଇଁ ମାଓବାଦୀମାନେ ସାଧାରଣ ଲୋକଙ୍କୁ ଆହ୍ୱାନ ଦେଇଛନ୍ତି । ଏନେଇ ପୁଲିସ ପକ୍ଷରୁ ମଧ୍ୟ କଡା ସୁରକ୍ଷା ବ୍ୟବସ୍ଥା କରାଯାଇଛି ।
ଏହି ସମୟରେ ମାଓବାଦୀ ମାନେ କିଛି ବଡ ଧରଣର ଅଘଟଣ ଘଟାଇବା ଆଶଙ୍କା କରି ମାଓପ୍ରବଣ ଜିଲ୍ଲା ମାନଙ୍କରେ ବ୍ୟାପକ ପୋଲିସ ମୁତୟନ ହେବା ସହିତ ସୁରକ୍ଷା ବ୍ୟବସ୍ଥାକୁ କଡାକଡି କରାଯାଇଛି । ସେହିଭଳି ସିଆରପିଏଫ ଯବାନଙ୍କୁ ନିୟୋଜିତ କରାଯିବା ସହ କୁମ୍ବିଂ ଅପରେସନ ଯୋରଦାର କରାଯାଇଛି । ରାରଗଡା ଜିଲ୍ଲାର ନିୟମ ଗିରି, ବାସଙ୍ଗମାଳିରେ ଏସଓଜି ଯବାନଙ୍କ ସମେତ ସିଆରପିଏଫ ପୋଲିସ ମୁତୟନ କରାଯାଇଛି ।
