ଭୁବନେଶ୍ୱର (ଏଟିଆର ବ୍ୟୁରୋ): ଟ୍ରେନ ଲାଇନ୍ ଉପରକୁ ଛିଡିପଡିଛି ବିତ୍ୟୁତ୍ ତାର । ଏଥିରେ ଯାତ୍ରୀଙ୍କର କୌଣସି ଅଘଟଣ ନହେବା ପାଇଁ ଦୁଇ ପାଶ୍ୱର୍ରେ ଅଟକି ରହିଛି ଟ୍ରେନ୍ । ଆଜି ସକାଳୁ କୋରାପୁଟର ଭାଲୁମୁସ୍କା- ଲିଲିଗୁମ୍ମା ମଧ୍ୟରେ ଏଭଳି ଏକ ଘଟଣା ଘଟିଛି ।
ବିଦ୍ୟୁତ୍ ତାର ଛିଡିବା ଯୋଗୁଁ ବିଶାଖାପାଟଣା-କୋରାପୁଟ ଡିଏମ୍ୟୁ, ରାଉଲକେଲା ଇଂଟରସିଟି ଏକ୍ସପ୍ରେସ ଏବଂ ହୀରାଖଣ୍ଡ ଏକ୍ସପ୍ରେସ ଅଟକି ରହିଛି । ତେବେ ଘଟଣାସ୍ଥଳରେ ବିଦ୍ୟୁତ୍ ବିଭାଗର ଟିମ୍ ପହଁଚି ମରାମତି କାର୍ଯ୍ୟ ଜାରି ରଖିଛନ୍ତି ।
