ଅନୁଗୁଳ (ଏଟିଆର ବ୍ୟୁରୋ): ପାଲଲହଡା ବ୍ଲକ ଖେମଳା ଗାଁ ଦେଇ ଯାଇଥିବା ୧୪୯ ନମ୍ବର ଜାତୀୟ ରାଜପଥରେ ଏକ ଅଘଟଣ ଘଟିିଛି । ରାସ୍ତାରେ ଟ୍ରକଟି ଯାଉଥିବା ବେଳେ ଅଚାନକ୍ ଜଳିଯାଇଛି । ଦୁର୍ଘଟଣାରେ ଟ୍ରକରେ ଥିବା ଡ୍ରାଇଭର ଏବଂ ହେଲପର କୌଶଳ କ୍ରମେ ବଞ୍ଚି ଯାଇଛନ୍ତି ।
ଆଜି ବଡି ଭୋରୁ ଏକ ଲୁହା ପଥର ବୋଝେଇ ଟ୍ରକ୍ ଟି ରାଉଲକେଲାରୁ ପାରାଦୀପ ଅଭିମୁଖେ ଯାଉଥିବା ବେଳେ ଦୁର୍ଘଟଣାଟି ଘଟିଛି । ହଠାତ୍ ଟ୍ରକ୍ ରେ ନିଆଁ ବାହାରି ଚାରିଆଡେ ବ୍ୟାପିଯାଇଥିଲା । ନିଆଁ ଲାଗିବାର କାରଣ ଏଯାଏଁ ସ୍ପଷ୍ଟ ହୋଇନଥିଲେ ମଧ୍ୟ ଟ୍ରକ୍ ଟି ସମ୍ପୂର୍ଣ୍ଣ ଜଳି ଯାଇଛି । ଖବର ପାଇ ପୋଲିସ ଘଟଣାସ୍ଥଳରେ ପହଁଚି ତଦନ୍ତ ଆରମ୍ଭ କରିଛି ।
