କଟକ (ଏଟିଆର ବ୍ୟୁରୋ):ଓଡ଼ିଶା ହାଇକୋର୍ଟରେ ବିଚାରପତି ସଂଖ୍ୟା କମ ଥିବାରୁ ଅନେକ କେସର ବିଚାର ହେଇପାରୁନାହିଁ । ହାଇକୋର୍ଟରେ ବିଚାରପତିଙ୍କ ସଂଖ୍ୟା ବଢେଇବା ପାଇଁ ୨ଟି ନାମ ସୁପାରିସ କରାଯାଇଛି । ଆଇନଜୀବୀ ସଞ୍ଜୀବ କୁମାର ପାଣିଗ୍ରାହୀ ଏବଂ ଜୁଡିସିଆଲ ଅଫିସର ବିଭୁ ପ୍ରସାଦ ରାଉତରାୟଙ୍କ ନାମ ସୁପାରିସ୍ କରାଯାଇଛି । କଲେଜିୟମ ଏହି ଦୁଇ ନାମକୁ ସମ୍ମତି ପ୍ରଦାନ କରିଛନ୍ତି । ବିଚାରପତିଙ୍କ ସଂଖ୍ୟା ବୃଦ୍ଧି ହେବା ଫଳରେ ବର୍ଷ ବର୍ଷ ଧରି ବିଚାର ହୋଇପାରୁନଥିବା ଅନେକ ଗୁଡିଏ କେସର ବିଚାର ଜଲଦି ହୋଇପାରିବ ବୋଲି ଓକିଲମାନେ ମତ ଦେଉଛନ୍ତି , କେବଳ ହାଇକୋର୍ଟ କାହିଁକି ଜିଲ୍ଲାକୋର୍ଟ ଗୁଡିକରେ ମଧ୍ୟ ବିଚାରପତିଙ୍କ ସଂଖ୍ୟା ବୃଦ୍ଧିକରିବା ଆବଶ୍ୟକ ବୋଲି ସେମାନେ ଦାବି କରିଥିଲେ ।
