ଆସିକା ( ଏଟିଆର ବ୍ୟୁରୋ) : ସ୍କୁଲରେ ଫୁଟିଲା ବୋମା । ତାବିଜ ଭଳି ଏକ ଜିନିଷ ପାଇଥିଲେ ଛାତ୍ର । ୨ ଛାତ୍ର ଗୁରୁତର । ଏମକେସିଜି ମେଡିକାଲରେ ଭର୍ତ୍ତି । ଏହିଭଳି ଏକ ଅଭାବନୀୟ ଘଟଣା ଘଟିଛି ଗଞ୍ଜାମ ଆସିକାରେ । ଗଞ୍ଜାମ ଜିଲ୍ଲା ଆସିକା ବ୍ଲକର ମାଗୁରା ଗାଁରେ ଏକ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟର ଦୁଇ ଛାତ୍ର ଗୁରୁତର ଆହତ ହୋଇଛନ୍ତି । ସୂଚନା ଅନୁସାରେ ଆଜି ଶନିବାର ସ୍କୁଲ ଯିବା ବାଟରେ ସ୍କୁଲର ଦୁଇଜଣ ଛାତ୍ର ବାଟରେ ଆସୁଥିବା ସମୟରେ ରାସ୍ଥାରେ ଏକ ତାବିଜ ଭଳି ଜିନିଷ ପାଇଥିଲେ ।
ଯାହାକୁ ସେମାନେ ଫୋପାଡି ଦେବା ସମୟରେ ଏହା ବିଷ୍ପୋରଣ ହୋଇଥିଲା । ଯାହା ଫଳରେ ସପ୍ତମ ଶ୍ରେଣୀରେ ପଢୁଥିବା ରାଜା ନାହକ ଏବଂ ତନ୍ମୟ ସାହୁଙ୍କ ହାତ, ମୁହଁ ଏବଂ ଗାଲରେ ଆଘାତ ଲାଗିଛି । ସେମାନଙ୍କୁ ପ୍ରଥମେ ଆସିକା ଡାକ୍ତରଖାନାରେ ଭର୍ତ୍ତି କରାଯାଇଥିଲା। ତେବେ ଅବସ୍ଥା ଗୁରୁତର ଥିବାରୁ ସେମାନଙ୍କୁ ବ୍ରହ୍ମପୁର ବଡ଼ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି।
ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ସ୍ଥାନୀୟ ଲୋକଙ୍କ କହିବା କଥା ମାଗୁଣା ନିକଟରେ ଥିବା ପାହାଡରେ ପଥର ବିସ୍ଫୋରଣ କରାଯାଉଥିଲା ।ରାଜା ନାହକ ଏବଂ ତନ୍ମୟ ସାହୁ ସେହି ବାଟ ଦେଇ ଯିବାବେଳେ ବିସ୍ଫୋରକକୁ ହାତରେ ଧରିଥିଲେ । ଫୋପାଡି ଦେବା ସମୟରେ ବୋମା ଫୁଟି ଦୁଇ ଜଣ ଛାତ୍ର ଗୁରୁତର ଆହତ ହୋଇଛନ୍ତି ।
