ଆରମ୍ଭ ହୋଇ ଯାଇଛି ମହିଷା ମର୍ଦ୍ଧିନୀ ମା ଦୁର୍ଗାଙ୍କର ନବରାତ୍ରୀ ପୂଜା ।ଯାହାକୁ ନେଇ ଗାଁ ଠୁ ସହର ସବୁଠି ଉତ୍ସବ ମୁଖର । ଦେଶର ସମସ୍ତ ଦେବୀ ପୀଠ ମାନଙ୍କରେ ସ୍ୱତନ୍ତ୍ର ରିତି ନୀତିରେ ମାଙ୍କୀ ପୂଜା ଅନୁଷ୍ଠିତ ହେଉଛି । ବିଭିନ୍ନ ଦେବାଦେବୀ ମନ୍ଦିର ମାନଙ୍କୁ ଆକର୍ଶଣୀୟ ଲାଇଟ ଓ ତୋରଣରେ ସୁସଜ୍ଜିତ କରାଯାଇଛି । ଏହି ଅବସରରେ ଜାମ୍ମୁକାଶ୍ମୀର… ମା ବୈଷ୍ଣ ଦେବୀଙ୍କ ମନ୍ଦିରକୁ ରଙ୍ଗ ବେରଙ୍ଗର ଫୁଲରେ ସଜା ଯାଇଥିବା ଦେଖିବାକୁ ମିଳିଛି । ନାନା ଜାତିର ଫୁଲରେ ଝଲସୁଛି ମା ବୈଷ୍ଣ ଦେବୀଙ୍କ ମନ୍ଦିର । ଯାହା ଶ୍ରଦ୍ଧାଳୁଙ୍କୁ ଭକ୍ତି ଭାବରେ ବେଶ କିଛି ସମୟ ବାନ୍ଧି ରଖୁଛି । ଏବେ ନବରାତ୍ରୀ ଚାଲି ଥିବାରୁ ଦେଶର କୋଣ ଅନୁକୋଣରୁ ମାଙ୍କ ନିକଟକୁ ଶ୍ରଦ୍ଧାଳୁଙ୍କ ସୁଅ ଛୁଟୁଛି । ଯାହାକୁ ଦୃଷ୍ଟିରେ ରଖି ନବ ରାତ୍ରୀର ପ୍ରଥମ ଦିନରୁ ପ୍ରାକୃତିକ ଗୁମ୍ଫାର ବାହାର ଦ୍ୱାରରେ ନିର୍ମାଣ ହୋଇଥିବା ସ୍ୱର୍ଣ୍ଣ ଦ୍ୱାରକୁ ଭକ୍ତଙ୍କ ଉଦ୍ଦେଶ୍ୟରେ ଖୋଲା ଯାଇଛି । ଯେଉଁ ଦ୍ୱାରରୁ ଭକ୍ତମାନେ ମାଙ୍କର ୯ ଟି ରୂପକୁ ଦର୍ଶନ କରି କରୁଛନ୍ତି ।
