ମୁମ୍ବାଇ(ଏଟିଆର ବ୍ୟୁରୋ):ଅଭିନେତା ବରୁଣ ଧାବନ ତାଙ୍କ ପ୍ରେମିକା ନତାଶାଙ୍କୁ ବିବାହ କରିବେ ।ଏନେଇ ସଜେଇ ହୋଇଛି ବିବାହ ମଣ୍ଡପ । ବିବାହ ପାଇଁ ପ୍ରସ୍ତୁତି ସରିଥିବା ବେଳେ ହଠାତ ବରୁଣ ଦୁର୍ଘଟଣାର ଶିକାର ହୋଇଥିବାର କଥା ସାମ୍ନାକୁ ଆସିଛି । କିନ୍ତୁ ଦୁର୍ଘଟଣାରେ କିିଛି କ୍ଷୟକ୍ଷତି ହୋଇନଥିବାର ସୂଚନା ମିଳିଛି ।
ବରୁଣ ଏବଂ ନତାସାଙ୍କର ବିବାହରେ ଜାହ୍ନବୀ କପୁର, ଖୁସି କପୁର, ସଲମାନ ଖାନ, କ୍ୟାଟ୍ରିନା କୈଫ୍, ଅର୍ଜୁନ କପୁର, ମଲାଇକା ଅରୋଡା, ଜ୍ୟାକି ଭଗନାନୀ , ଅନିଲ କପୁର , ରିୟା କପୁରଙ୍କ ସମେତ ଅନେକ ଷ୍ଟାର୍ସ ଉପସ୍ଥିତ ରହିବେ।
ବରୁଣ ନତାସାଙ୍କ ପରିବାରର ଲୋକେ ୨୨ ଜାନୁଆରିରେ ଅଲ୍ଲିବାଗରେ ପହଞ୍ଚି ଯାଇଥିଲେ।ଏଠାରେ ବରୁଣ ବିବାହ ପୂର୍ବରୁ ତାଙ୍କ ବନ୍ଧୁମାନଙ୍କ ପାଇଁ ଏକ ବ୍ୟାଚଲର୍ ପାର୍ଟି ରଖିଥିଲେ। ବ୍ୟାଚଲର୍ ପାର୍ଟି ପରେ ବରୁଣ ଜାନୁଆରି ୨୩ରେ ଅଲ୍ଲିବାଗର ‘ଦ ମେନସନ୍ ହାଉସ୍’ ରିଜର୍ଟକୁ ଫେରୁଥିଲେ। ଏହି ସମୟରେ ତାଙ୍କ କାର ଦୁର୍ଘଟଣାଗ୍ରସ୍ତ ହୋଇଥିଲା।
