ସମ୍ବଲପୁର (ଏଟିଆର ବ୍ୟୁରୋ): ବାସ୍ କଥା କିଛି ନଥିଲା । ସାମାନ୍ୟ କଥାକୁ ନେଇ ଆରମ୍ଭ ହେଲା ବଚସା । ତାପରେ ଚାହୁଁ ଚାହୁଁ ଗୁଳିମାଡ । ଏଭଳି ଏକ ଅଭାବନୀୟ ଘଟଣା ସମ୍ବଲପୁର ବୁଢାରାଜା ଡେଲି ମାର୍କେଟରେ ଘଟିଛି । ଏଥିରେ ଜଣେ ପରିବା ବ୍ୟବସାୟୀ ଆହତ ହୋଇଛନ୍ତି । ତାଙ୍କୁ ଚିକିତ୍ସା କରିବା ଲାଗି ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଛି ।
ପରିବା ବ୍ୟବସାୟୀ ମଂଟୁ ଏବଂ ସିରିଆ ଜେନାଙ୍କ ମଧ୍ୟରେ ହୋଇଥିବା ସାମାନ୍ୟ ବଚସାରୁ ଗୁଳିମାଡ ପର୍ଯ୍ୟନ୍ତ କଥା ପଳାଇଲା । ଫଳରେ ଗୁଳି ମଂଟୁଙ୍କ ଗୋଡରେ ବାଜି ସେ ଆହତ ହୋଇଛନ୍ତି । ଘଟଣାରେ ପୋଲିସ ସିରିଆଙ୍କୁ ଅଟକ ରଖି ପଚରାଉଚରା କରୁଛି ।
