କଟକ ( ଏଟିଆର ବ୍ୟୁରୋ): ଆଜି ଦୈନିକ ଖବର କାଗଜ ‘ ସମାଜ’ ଶତବାର୍ଷିକ ସମାରୋହ । ଏହି ଅବସରରେ ଆଜି ଉପରାଷ୍ଟ୍ରପତି ଭେଙ୍କେୟା ନାଇଡୁ ଓଡିଶା ଗସ୍ତରେ ଆସୁଛନ୍ତି । ଆଜି ଅପରାହ୍ନ ୫ ଟାରେ ଉପରାଷ୍ଟ୍ରପତି ସମାଜର କାର୍ଯ୍ୟକ୍ରମରେ ଯୋଗଦେବେ । ଏଥିରେ ରାଜ୍ୟପାଂଳ ଗଣେଶୀ ଲାଲଙ୍କ ସମେତ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, କେନ୍ଦ୍ର ପେଟ୍ରୋଲିୟମ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ପ୍ରମୁଖ ଯୋଗ ଦେବାର କାର୍ଯ୍ୟକ୍ରମ ରହିଛି । ଦୁର୍ଗାପୂଜା ଚାଲିଥିବାରୁ ଏବେ ଟ୍ୱିନ ସିଟିରେ ଜନ ସମାଗମ ରହିଛି ।
ଏହି ଅବସରରେ ଉପରାଷ୍ଟ୍ରପତିଙ୍କ ସୁରକ୍ଷା ବ୍ୟବସ୍ଥାକୁ କଡାକଡି କରାଯାଇଛି । ଆଜି ଅପରାହ୍ଣ ୩ଟା ୫୦ ମିନିଟ୍ରେ କଟକ ଇଣ୍ଡୋର ଷ୍ଟାଡିୟମରେ ଏହି କାର୍ୟ୍ୟକ୍ରମରେ ଉପରାଷ୍ଟ୍ରପତି ଯୋଗଦେବେ । ସେହିଭଳି ଉପରାଷ୍ଟ୍ରପତି ୫ଟାରେ ଇଣ୍ଡୋର ଷ୍ଟାଡିୟମରୁ ବାହାରି ବିମାନ ବନ୍ଦରରେ ପହଞ୍ଚିବେ।
ଏହାକୁ ନଜରରେ ରଖି ୫ଟାରୁ ୬ଟା ପର୍ୟ୍ୟନ୍ତ କଟକ ଇଣ୍ଡୋର ଷ୍ଟାଡିୟମ ଓ ବିମାନ ବନ୍ଦର ରାସ୍ତାରେ ସର୍ବସାଧାରଣଙ୍କ ଯାତାୟାତ ଉପରେ କଟକଣା ଲାଗୁ ହୋଇଛି । ଏହି ରାସ୍ତାରେ ଯାତାୟତ କରୁଥିବା ଲୋକେ ଏହି ସମୟରେ ନିଜ ଲାଗି ସୁବିଧାଜନକ ରାସ୍ତା ବାଛିବାକୁ ଟ୍ୱିନ୍ ସିଟି କମିଶନରେଟ୍ ପୋଲିସ ନିବେଦନ କରାଯାଇଛି ।
