ଅନୁଗୁଳ(ଏଟିଆର ବ୍ୟୁରୋ):ବର୍ତ୍ତମାନ ଲଘୁଚାପ ପାଇଁ ରାଜ୍ୟରେ ବର୍ଷା ଲାଗି ରହିଛି ଓ ଏହା ସହିତ ଜଳ ସ୍ଥର ମଧ୍ୟ ବଢିବାରେ ଲାଗିଛି । ଯାହାଫଳରେ ଆଜି ରେଙ୍ଗାଳି ଡ୍ୟାମର ଗୋଟିଏ ଏବଂ ସମଲ ବ୍ୟାରେଜର ୭ ଟି ଗେଟ୍ ଖୋଲା ଯାଇଛି । ଦୁଇଟି ଜଳଭଣ୍ଡାରରୁ ପ୍ରଥମ ବନ୍ୟାଜଳ ଛଡାଯାଇଛି । ତେବେ ବ୍ରାହ୍ମଣୀରେ ଜଳସ୍ତର ବଢୁଥିବାରୁ ଗେଟ୍ ଖୋଲାଯାଇଛି । ସେହିପରି ବନ୍ୟାଜଳକୁ ନଦୀ କୁଳରେ ସତର୍କ ରହିବାକୁ ନିବେଦନ କରାଯାଇଛି। ଅନୁଗୁଳ ଜିଲ୍ଲାରେ ରେକର୍ଡ ସଂଖ୍ୟକ ୭୧୩.୬ ମିଲିମିଟର ବର୍ଷା ଜଳ ରେକର୍ଡ କରାଯାଇଛି ।
ଅନୁଗୁଳ ଜିଲ୍ଲାରେ ଲଗାଣ ବର୍ଷା ଜାରି ରହିଛି। ଜିଲ୍ଲାର ସମସ୍ତ ୮ ଟି ବ୍ଲକରେ ୭୧୩.୬ ମିଲିମିଟର ବର୍ଷା ରେକର୍ଡ ହୋଇଛି। ରେଙ୍ଗାଳି ଡ୍ୟାମର ଗୋଟିଏ ଗେଟ ଖୋଲିଛି । ଜଳ ଭଣ୍ଡାରକୁ ୫୭୦୦ ଘନ ମିଟର ପ୍ରତି ସେକେଣ୍ଡ ଜଳ ପ୍ରଵେଶ କରୁଥିବା ବେଳେ ଗେଟ ଦେଇ ୨୦୫୭ ଘନ ମିଟର ପ୍ରତି ସେକେଣ୍ଡ ଜଳ ନିଷ୍କାସନ ହେଉଛି । ତେବେ ଡ୍ୟାମରେ ବର୍ତ୍ତମାନ ଜଳସ୍ତର ୧୨୨.୧୫ ମିଟର ରହିଛି। ଜଳ ଭଣ୍ଡାରକୁ ୪୫୦୦ କ୍ୟୁସେକ ଜଳ ପ୍ରବେଶ କରୁଥିବା ବେଳେ ତଳ ମୁଣ୍ଡରେ ୩୭୦୦ କ୍ୟୁସେକ୍ ଜଳ ନିଷ୍କାସନ ହେଉଛି।
