ଭଞ୍ଜନଗର (ଏଟିଆର ବ୍ୟୁରୋ): ମକର ସଂକ୍ରାନ୍ତିରେ ରାଜ୍ୟର ବିଭିନ୍ନ ସ୍ଥାନ ଉତ୍ସବମୁଖର ଥିବା ବେଳେ ଲୋକେ ସକାଳୁ ସକାଳୁ ଧର୍ମ କାମରେ ଲାଗି ପଡିଛନ୍ତି । ଏହି ଅବସରରେ ଏକ ଅଘଟଣ ସମ୍ନାକୁ ଆସିଛି । ଭଞ୍ଜନଗର କରଡାବଣି ଗାଁରେ ହେଉଥିବା ସଂକୀତ୍ତନ ଦେଖିବାକୁ ଯାଉଥିବା ବେଳେ ରାସ୍ତାରେ ଜେଜେ ମା ଏବଂ ନାତୀଙ୍କୁ ଟ୍ରକ୍ ଧକ୍କା ଦେଇଥିଲା । ଘଟଣାରେ ମହିଳାଙ୍କର ମୃତ୍ୟୁ ଘଟିଥିବା ବେଳେ ନାତୀ ଗୁରୁତର ଭାବେ ଆହତ ହୋଇଛନ୍ତି । ମୃତ ମହିଳାଙ୍କ ନାଁ ଖଦାଳୁଣି ପ୍ରଧାନ (୬୩) ।
ଖବରମୁତାବକ, ମହିଳା ଜଣଙ୍କ ତାଙ୍କ ନାତୀଙ୍କ ବାଇକ୍ ରେ ବସି ସଂକୀର୍ତ୍ତନ ଦେଖିବାକୁ ଯାଉଥିବା ବେଳେ ଗଞ୍ଜାମ ଜିଲ୍ଲା ଲେମ୍ଭାରିଆ ଗାଁ ନିକଟରେ ଏକ ଟ୍ରକ୍ ତାଙ୍କ ବାଇକ୍ କୁ ଧକ୍କା ଦେଇଥିଲା । ଘଟଣାରେ ସ୍ଥଳରେ ମହିଳାଙ୍କ ମୃତ୍ୟୁ ଘଟିଥିଲା । ଏହାସହିତ ସ୍ଥାନୀୟ ଲୋକେ ନାତୀକୁ ଗୁରୁତର ଭାବେ ଉଦ୍ଧାର କରି ଭଞ୍ଜନଗର ଡାକ୍ତରଖାନାରେ ଭର୍ତ୍ତି କରିଛନ୍ତି । ଘଟଣାରେ ପୋଲିସ୍ ପହଁଚି ତଦନ୍ତ ଆରମ୍ଭ କରିଛି ।
