କଟକ (ଏଟିଆର ବ୍ୟୁରୋ) ; ଚୋରା ମଦ ବେପାରୀଙ୍କ ଉପରେ ତାତିଲେ ମହିଳା । ଜବତ କଲେ ବିପୁଳ ପରିମାଣର ଚୋରା ମଦ । ଏଭଳିି ଏକ ଘଟଣା ଦେଖିବାକୁ ମିଳିଛି କଟକ ଜିଲ୍ଳା ଟାଙ୍ଗୀଥାନା ଅଞ୍ଚଳରେ । ସ୍ଥାନୀୟ ଅଞ୍ଚଳର ଏସ.ଏସଜି ମହିଳାମାନେ ଚୋରା ମଦ ବେପାରକୁ ବିରୋଧ କରି ବେପାରୀଙ୍କ ଉପରେ ଚଢ଼ାଉ କରିବା ପରେ ପୋଲିସକୁ ଖବର ଦେଇଥିଲେ । ତେବେ ପୋଲିସ ଖବର ପାଇବା ପରେ ଘଟଣାସ୍ଥଳରେ ପହଁଞ୍ଚିବା ପରେ ଜଣେ ଚୋରା ମଦ ବେପାରୀକୁ ଅଟକ ରଖି ପଚରା ଉଚରା କରିବା ପରେ ମହିଳା ମାନେ ଉଦ୍ଧାର ହୋଇଥିବା ମଦକୁ ଜବତ କରିଛି ।
ଏହି ଘଟଣା ପ୍ରଘଟ ହେବା ପରେ ମହିଳା ମାନଙ୍କ ଏଭଳି କାର୍ଯ୍ୟ ପାଇଁ ସମସ୍ତେ ପ୍ରଶଂସା କରିଛନ୍ତି । ପୂର୍ବରୁ ମଧ୍ୟ ଅନେକ ସ୍ୱୟଂ ସହାୟକ ଗୋଷ୍ଠୀର ମହିଳା ମାନେ ଏଭଳି କାର୍ଯ୍ୟ କରିଥିବା ଦେଖିବାକୁ ମିଳିଛି । ମଦ ପିଇ ଅନେକଙ୍କ ଜୀବନ ଚାଲିଯାଉଥିବା ବେଳେ କେତେକଙ୍କ ପରିବାର ଉଜୁଡି ଯାଇଛି । ଏଣୁ ମହିଳାମାନେ ଉଗ୍ର୍ରରୂପ ନେବା ପାଇଁ ବାଧ୍ୟ ହୋଇଥାନ୍ତି ।
