ଭୁବନେଶ୍ୱର(ଏଟିଆର ବ୍ୟୁରୋ):ରାଜ୍ୟରେ ଜାରି ରହିଛି ମୌସୁମି ବର୍ଷା । ରାଜ୍ୟର ପ୍ରାୟ ସବୁ ଜିଲ୍ଲାକୁ ଛୁଇଁଛି ମୌସୁସି । ଗତ ଦୁଇ ଦିନ ହେବ ଓଡିଶା ଛୁଇଛି ମୌସୁମୀ ବାୟୁ । ଏହା ଫଳରେ ରାଜ୍ୟର କିଛି ସ୍ଥାନରେ ଦୁଇ ଦିନ ହେବ ବର୍ଷା ଜାରି ରହିବା ସହ କେହୋଲା ପାଗ ରହିଛି । ତେବେ ଆଜି ଆଞ୍ଚଳିକ ପାଣିପାଗ ବିଭାଗ ପକ୍ଷରୁ ୭ଟି ଜିଲ୍ଲାକୁ ୟେଲୋ ୱାର୍ଣ୍ଣିଂ ଜାରି କରାଯାଇଛି ।
କେନ୍ଦ୍ରାପଡା, ଜଗତସିଂହପୁର, ପୁରୀ, ଗଞ୍ଜାମ, ବଲେଶ୍ୱର, ଭଦ୍ରକ ଓ ମୟୂରଭଞ୍ଜ ଜିଲ୍ଲାର ପ୍ରବଳରୁ ଅତି ପ୍ରବଳ ବର୍ଷ ହେବାର ସମ୍ଭାବନା ଥିବାରୁ ଏହି ସବୁ ଜିଲ୍ଲା ମାନଙ୍କରେ ୟେଲୋ ୱାର୍ଣ୍ଣିଂ ଜାରି କରାଯାଇଛି । ଅନ୍ୟପଟେ ଆଜି ରାଜ୍ୟରେ ସର୍ବାଧିକ ୩୬ ଡିଗ୍ରୀ ସେଲସିଏସ ତାପମାତ୍ରା ସୁନ୍ଦରଗଡରେ ରେକର୍ଡ କରାଯାଇଛି । ସେହିଭଲି ଭୁବନେଶ୍ୱରରେ ୩୪ ଡିଗ୍ରୀ ଓ କଟକରେ ୩୪.୨ ଡିଗ୍ରୀ ତାପମାତ୍ରା ରେକର୍ଡ କରାଯାଇଛି ।
