ଶ୍ରୀନଗର ( ଏଟିଆର ବ୍ୟୁରୋ ) : ଜାମ୍ମୁକାଶ୍ମୀରର ସୋଫିଆନ ଜିଲ୍ଲାରେ ଶନିବାର ଘଟିଥିବା ଏକ ଦୁର୍ଘଟଣାରେ ପ୍ରାୟ ୧୬ଜଣ ଯବାନ ଆହତ ହୋଇଛନ୍ତି । ଯବାନ ମାନଙ୍କୁ ନେଇ ଯାଉଥିବା ଗାଡିଟି କାନିପୋଡା ଗ୍ରାମ ପାଖରେ ରାସ୍ତା ତଳକୁ ଖସି ପଡିଥିଲା । ଏହି ଯବାନ ମାନେ ପାରା କମାଣ୍ଡୋ ଫୋର୍ସର ବୋଲି ଜଣାପଡିଛି । ସମସ୍ତଙ୍କୁ ଶ୍ରୀନଗରରେ ଥିବା ଆର୍ମି ଡାକ୍ତରଖାନାକୁ ସ୍ଥାନାନ୍ତର କରାଯାଇଛି ।ସେପଟେ ଘଟଣା ସ୍ଥଳେ ସେନାର ଅଧିକାରୀ ମାନେ ପହଞ୍ଚିଛନ୍ତି । ଦୁର୍ଘଟଣାର କାରଣ ଅସ୍ପଷ୍ଠ ଥିବାବେଳେ ଘଟଣାର ତଦନ୍ତ ଜାରି ରହିଛି ।
