ଭୁବନେଶ୍ୱର (ଏଟିଆର ବ୍ୟୁରୋ): ରାଜ୍ୟରେ କମୁଛି ପାରଦ ବଢୁଛି ଶୀତ । ଆଭ୍ୟନ୍ତରୀଣ ଓଡିଶାରେ ଆରମ୍ଭ ହୋଇଯାଇଛି ଶୀତ ଲହରି । ୧୫ ଡିଗ୍ରୀ ତଳେ ରହୁଛି ୨୦ ସହରର ତାପମାତ୍ରା । ଏନେଇ ପାଣିପାଗ କେନ୍ଦ୍ର ପୂର୍ବାନୁମାନ କରିଛି ।
ରାଜ୍ୟର ସର୍ବନିମ୍ନ ତାପମାତ୍ରା ଜି ଉଦୟଗିରିରେ ୭.୨ ଡିଗ୍ରୀ ରେକର୍ଡ କରାଯାଇଛି । ଅସହ୍ୟ ଥଣ୍ଡାରେ ଥରୁଛି ଜି.ଉଦୟଗିରି । ସେହିପରି ଫୁଲବାଣୀରେ ୧୦.୫ ଡିଗ୍ରୀ, କୋରାପୁଟ ସେମିଳିଗୁଡାରେ ୯ ଡିଗ୍ରୀ, ଦାରିଙ୍ଗବାଡିରେ ୧୧ ଡିଗ୍ରୀ ତାପମାତ୍ରା ରେକର୍ଡ କରାଯାଇଛି ।
ଆଗାମୀ ୩ରୁ ୪ ଦିନ ରାତି ତାପମାତ୍ରାରେ ବିଶେଷ ପରିବର୍ତ୍ତନ ନାହିଁ । ଆସନ୍ତା ୩ଦିନ ମଧ୍ୟରେ ୪ଡିଗ୍ରୀ ପର୍ୟ୍ୟନ୍ତ ହ୍ରାସ ପାଇବ ତାପମାତ୍ରା । ଫଳରେ ରାତିରେ ଶୀତ ଅନୁଭୂତ ହେବ ।
