ଭୁବନେଶ୍ୱର (ଏଟିଆର ବ୍ୟୁରୋ): ସାରା ରାଜ୍ୟରେ ଏବେ ଉପରମୁହାଁ ପାରଦ । ତତଲା ତାୱାରେ ସିଝୁଛି ରାଜ୍ୟ । କଲବଲ ହେଉଛନ୍ତି ଲୋକେ । ରାଜଧାନୀ ଭୁବନେଶ୍ୱରରେ ବର୍ଷୁଛି ଅଗ୍ନି । ସକାଳୁ ଘରୁ ବାହାରିଲେ ଜଳି ପୋଡି ଯାଉଛି ଶରୀର । ସକାଳ ସାଢେ ୮ଟାରୁ ଖରାର ପ୍ରକୋପ ବୃଦ୍ଧି ପାଉଛି । ସେହିପରି ଦିନ ସାଢେ ୧୧ଟା ସୁଦ୍ଧା ଭୁବନେଶ୍ୱରର ତାପମାତ୍ରା ୩୮ ଡିଗ୍ରୀ ରେକର୍ଡ କରାଯାଇଛି ।
ସେହିପରିରେ ଝରସୁଗୁଡାରେ ୩୮.୬ ଡିଗ୍ରୀ , ଚାନ୍ଦବାଲିରେ ୩୮.୪ ଡିଗ୍ରୀ, ବାଲେଶ୍ୱରରେ ୩୮.୨ ଡିଗ୍ରୀ, ପୁରୀରେ ୩୮ ଡିଗ୍ରୀ, ଭୁବନେଶ୍ୱରରେ ୩୮ ଡିଗ୍ରୀ, ସମ୍ବଲପୁରରେ ୩୭.୮ ଡିଗ୍ରୀ,ହୀରାକୁଦରେ ୩୭.୬ ଡିଗ୍ରୀ, ଗୋପାଳପୁରରେ ୩୭.୪ ଡିଗ୍ରୀ, କେନ୍ଦୁଝରରେ ୩୭ ଡିଗ୍ରୀ ଏବଂ ପାରାଦୀପରେ ୩୪.୨ ଡିଗ୍ରୀ ତାପମାତ୍ରା ରେକର୍ଡ କରାଯାଇଛି ।
