ରାଜ୍ୟରେ ଘନ କୁହୁଡି, ଯାତାୟତରେ ବାଧାବ୍ରାପ୍ତ

ଭୁବନେଶ୍ୱର (ଏଟିଆର ବ୍ୟୁରୋ): ରାଜ୍ୟରେ ଏବେ ଶୀତର ପ୍ରକୋପ କମ ରହିଛି । କିନ୍ତୁ ବଢୁଛି କୁହୁଡି । ସବୁଠି ଘନ କୁହୁଡିର ଆସ୍ତରଣ ଦେଖିବାକୁ ମିଳୁଛି । ରାସ୍ତାଘାଟ କିଛି ଦୃଶ୍ୟମାନ ହେଉନି । ଯାହାଦ୍ୱାରା ରାସ୍ତାରେ ଯାତାୟତ ପାଇଁ ଲୋକେ ଅସୁବିଧାର ସମ୍ମୁଖୀନ ହେଉଛନ୍ତି । ଦିନ ୧୧ ଟା ଯାଏଁ କୁହୁଡି ଲାଗି ରହୁଛି । ଘନ କୁହୁଡି ପାଇଁ ବିଭିନ୍ନ ଜିଲ୍ଲାକୁ ୟେଲୋ ଆଲର୍ଟ ଜାରି କରାଯାଇଛି ।

ଆଗାମୀ ୩ ଦିନ ଯାଏଁ ଘନ କୁହୁଡି ଜାରି ରହିବ । ୫ ତାରିଖ ଯାଏଁ କୁହୁଡି ଲାଗି ରହିବ ବୋଲି ପାଣିପାଗ ବିଭାଗ ପୂର୍ବାନୁମାନ କରିଛି । ତେଣୁ ସତର୍କତାର ସହ ଗାଡି ଚଳାଇବାକୁ ପରାମର୍ଶ ଦିଆଯାଇଛି ।