ଭୁବନେଶ୍ୱର (ଏଟିଆର ବ୍ୟୁରୋ): ରାଜ୍ୟକୁ ପୁଣି ଫେରିଛି ଅସହ୍ୟ ଥଣ୍ଡା । ରାତ୍ରି ତାପମାତ୍ରା ହ୍ରାସ ହେବା ସହ ରାଜ୍ୟରେ ପୁଣି ବଢିଛି ଶୀତ । ଅସହ୍ୟ ଜାଡରେ ଥରୁଛି ସାରା ଓଡିଶା । ହିମାଳୟ ଆଡୁ କାଲୁଆ ପବନ ବୋହିବା ଯୋଗୁଁ ଦକ୍ଷୀଣରୁ ଉତ୍ତର ଯାଏଁ ଶୀତ ପ୍ରକୋପ ବଢିଛି । ରାତି ତାପମାତ୍ରା ୨ ରୁ ୪.୬ ଡିଗ୍ରୀ ଯାଏଁ ହ୍ରାସ ପାଇଛି । ସେହିପରି ୧୦ ଡିଗ୍ରୀ ତଳେ ରହିଛି ୧୧ ଟି ସହର । ଏନେଇ ପାଣିପାଗ ବିଭାଗ ପକ୍ଷରୁ ପୂର୍ବାନୁମାନ କରାଯାଇଛି ।
ଅନ୍ୟପଟେ ଅସମ୍ଭାଳ ଜାଡରେ ଥରୁଛି ଜି.ଉଦୟଗିରି । ଏଠାରେ ୫ ଡିଗ୍ରୀ ତଳକୁ ଖସିଆସିଛି ରାତି ତାପମାତ୍ରା । ସେହିପରି ସିମିଳିଗୁଡାର ତାପମାତ୍ରା ୭ ଡିଗ୍ରୀ, କେନ୍ଦୁଝରର ୭.୬ ଡିଗ୍ରୀ, ଫୁଲବାଣୀର ୮ ଡିଗ୍ରୀ ତାପମାତ୍ରା ରେକର୍ଡ କରାଯାଇଛି ।
