ଭୁବନେଶ୍ୱର (ଏଟିଆର ବ୍ୟୁରୋ): ‘ବକ୍ର ତୁଣ୍ଡ ମହାକାୟ ସୁର୍ଯ୍ୟ କୋଟି ସମପ୍ରଭା, ନିର୍ଭିଗ୍ନ କୁରୁମେ ଦେବଃ ସର୍ବକାର୍ଯ୍ୟେଷୁ ସର୍ବଦା । ବିଦ୍ୟା ଦତ୍ତା, ବୁଦ୍ଧି ଦାତା ଶ୍ରୀ ବିଘ୍ନ ବିନାଶକ ଗଣେଶ ଚର୍ତ୍ତୁଥୀ ଉପଲକ୍ଷେ ଗାଁ ଠୁ ସହର ସବୁଆଡେ ଉତ୍ସବ ମୁଖର । ଶିକ୍ଷାନୁଷ୍ଠାନ ଠାରୁ ଆରମ୍ଭ କରି ବାଣିଜ୍ୟ ବ୍ୟବସାୟିକ କେନ୍ଦ୍ରରେ ମଧ୍ୟ ଚାଲିଛି ଗଜାନନାଙ୍କ ପୂଜାର୍ଚ୍ଚନା ।
ଅନ୍ୟପଟେ ଗଜାନନଙ୍କୁ ପୂଜାର୍ଚ୍ଚନା କରିବା ପାଇଁ ଶିକ୍ଷାନୁଷ୍ଠାନ ମାନଙ୍କରେ ସକାଳୁ ସକାଳୁ ଛାତ୍ରଛାତ୍ରୀଙ୍କ ସମାଗମ ଦେଖିବାକୁ ମିଳିଛି । ଶ୍ରଦ୍ଧା ଓ ଭକ୍ତିର ସହ ଗଣେଶଙ୍କୁ ପୂଜା କରି ପୁଷ୍ପାଞ୍ଜଳୀ ଅର୍ପଣ କରିଛନ୍ତି ଛାତ୍ରଛାତ୍ରୀ ।
ଏହାସହିତ ବିଭିନ୍ନ ପୂଜା ମଣ୍ଡପରେ ମଧ୍ୟ ପୂଜା ଆରମ୍ଭ ହୋଇଯାଇଛି । ଏହି ଅବସରରେ ସଜେଇ ହୋଇଛି ପୂଜା ମଣ୍ଡପ । କେଉଁଠି ସୁଉଚ୍ଚ ତୋରଣରେ ମଣ୍ଡପ ସଜା ଯାଇଛି ତ ପୁଣି ଆଉ କେଉଁ ଫୁଲ ଏବଂ ଲିଚୁ ମାଳରେ ।
ପୂଜା ମଣ୍ଡପମାନଙ୍କରେ ଯେପରି ଶାନ୍ତି ଶୃଙ୍ଖଳାର ସହିତ ପୂଜାର୍ଚ୍ଚନା ହେବ ସେ ନେଇ ପୋଲିସ ପ୍ରଶାସନ ପକ୍ଷରୁ ବ୍ୟାପକ ବ୍ୟବସ୍ଥା ମଧ୍ୟ କରାଯାଇଛି ।
