ଭୁବନେଶ୍ୱର (ଏଟିଆର ବ୍ୟୁରୋ): ଆସନ୍ତାକାଲି ଦେବଦେବ ମହାଦେବଙ୍କର ବଡ ପର୍ବ ମହାଶିବରାତ୍ରୀ ବା ଜାଗର । ଏନେଇ ଉତ୍ସବ ମୁଖର ରାଜ୍ୟର ସମସ୍ତ ଶୈବପୀଠ । ସେହିପରି ଏକାମ୍ର କ୍ଷେତ୍ରର ଶ୍ରୀଲିଙ୍ଗରାଜଙ୍କ ମନ୍ଦିର ଆଲୋକମାଳାରେ ସୁସଜ୍ଜିତ ହେବା ସହ ନିର୍ଦ୍ଧାରିତ ସମୟରେ ସମସ୍ତ ନୀତିକାନ୍ତି ସମ୍ପାଦନ କରିବା ନିମନ୍ତେ ବୈଠକରେ ନିଷ୍ପତି ହୋଇଛି ।
ମହାଦୀପ ଉଠିବାରେ ଯେପରି କୌଣସି ବିଳମ୍ବ ନହୁଏ ସେନେଇ ସେବାୟତଙ୍କ ସହିତ ଆଲୋଚନା ହୋଇଛି ।
ସେପଟେ ଶୃଙ୍ଖଳିତ ଦର୍ଶନ ପାଇଁ ବ୍ୟାରିକେଡ ବ୍ୟବସ୍ଥା କରାଯିବା ସହ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି । ୨୨ ପ୍ଲାଟୁନ ପୋଲିସ ଫୋର୍ସ ମୁତୟନ କରାଯିବ ।
